रोहिङ्ग्या विरुद्धको दुर्व्यवहार छानबिन गर्न म्यान्मार अनिच्छुक : अधिकारवादी

खरीबोट

म्यान्मार । म्यान्मारका रोहिङ्ग्या समुदायका नागरिकमाथि भएको ज्यादतिको अनुसन्धान गर्न म्यान्मार अनिच्छुक रहेको आरोप संयुक्त राष्ट्रसंघीय अधिकारवादीले लगाएका छन् ।

यसअघि संयुक्त राष्ट्रसंघीय मानवअधिकार आयोगले गरेको अनुसन्धानमा म्यान्मारको सेनाले त्यहाँका रोहिङ्ग्या समुदायका नागरिकमाथि दमन गरेको बताएको थियो ।

सेनाको दुव्र्यवहार र दमन सहन नसकेर रोहिङ्ग्या समुदायका नागरिक बङ्गलादेशतर्फ भागेका थिए । उनीहरु सात लाखभन्दा बढीको सङ्ख्यामा हाल बङ्गलादेशमा रहेका छन् ।

राष्ट्रसंघीय मानवअधिकार निकायले यस ज्यादतिको छानबिन र त्यहाँको सेनामाथि नै कारबाहीको माग गरेको थियो । तर पनि म्यान्मार सरकारले अहिलेसम्म पनि यहाँको सेनालाई कारबाही गरेको छैन ।

म्यान्मारको सेनाले रोहिङ्ग्या समुदायका नागरिकलाई आतङ्ककारीको आरोप लगाउँदै हत्या र बलात्कार समेत गरेको रोहिङ्ग्याको आरोप छ । साथै ती आरोपहरुमा सत्यता रहेको राष्ट्रसंघीय मानवअधिकार निकायले जनाएको थियो ।

म्यान्मारको सेनाको प्रमुखलाई कारबाही गर्न राष्ट्रसंघले पहिले नै सिफारिश गरेको थियो । साथै सो निकायले रोहिङ्ग्यामाथि भएका ज्यादतिहरुको पनि आवश्यक अनुसन्धान गर्न भनेको थियो ।

तर म्यान्मार सरकारले भने यहाँको सेनाका प्रमुखमाथि कारबाही गर्न मानेको छैन । म्यान्मारले यदि ती सैनिक अधिकारीमाथि कारबाही नगर्ने हो भने यससम्बन्धमा थप कदम चालिने चेतावनी राष्ट्रसंघीय अधिकारीहरुले दिँदै आएका छन् ।

म्यानमारका लागि एकजना राष्ट्रसंघीय प्रतिवेदक याङही लिलाई म्यान्मार सरकारले गत डिसेम्बारदेखि म्यान्मार छिर्न दिएको छैन । राष्ट्रसंघले आफै म्यानमार आएर उक्त ज्यादतिको छानबिन गर्न माग गरेको छ ।

तर म्यान्मार सरकारले त्यो अनुमति दिएको छैन । साथै प्रतिवेदक लिलाई पनि देशभित्र छिर्न दिएको छैन । लिले मङ्गलबार म्यान्मार सरकारले रोहिङ्ग्यामाथि ज्यादति गर्ने अधिकारीहरुमाथि कारबाही गर्न सरकारले इच्छा नदेखाएको बताएका छन् ।

 

सम्बन्धित समाचार

म्यान्मारको सेनाले फेरि ‘युद्ध अपराध’ गरेको एमनेस्टीको आरोप

याङ्गुन । अन्तर्राष्ट्रिय मानवअधिकारवादी संस्था एमनेस्टी इन्टरनेशनलले म्यान्मारको रखाइन प्रान्तमा सेनाले जातीय समूहविरुद्ध दमन गरिरहेको आरोप आएका जनाएको छ । रखाइन राज्यमा सक्रिय विभिन्न छापामार समूहमाथि भइरहेको कारबाहीका क्रममा सेनाले गैरन्यायिक

ओलम्पिक छनोटको दोस्रो चरणअन्तर्गत  नेपाली महिला फूटबल टोली म्यान्मारसँग भिड्दै    

काठमाडौँ । ओलम्पिक छनोटको दोस्रो चरणको खेलमा नेपालले आज म्यानमारसँग प्रतिस्पर्धा गर्दै छ । म्यानमारको घरेलु मैदानमा हुने खेल नेपाली समयानुसार साँझ ५ बजे शुरु हुनेछ । खेलअघि आज बिहान आयोजित

राष्ट्रिय महिला फुटबल टोली म्यान्मारतर्फ

काठमाडौँ । म्यान्मामा हुने ओलम्पिक छनोटको दोस्रो चरण खेल्न नेपाली राष्ट्रिय महिला फुटबल टोली आज त्यसतर्फ प्रस्थान गरेको छ । अखिल नेपाल फुटबल सङ्घद्वारा आज यहाँ आयोजित कार्यक्रममा महिला फुटबल टोलीलाई

भारतीय राष्ट्रपति म्यान्मारमा, दुई देशको सम्बन्ध थप सुमधुर

म्यान्मार । म्यान्मारका राष्ट्रपति यू विन मिन्तले भारतीय राष्ट्रपति रामनाथ कोविन्दको म्यान्मार भ्रमणले यी दुई देशबीचको सम्बन्ध थप सुमधुर बनाउन सहयोग पुगेको बताएका छन् । हाल म्यान्मार भ्रमणमा रहेका भारतका राष्ट्रपति


z