कक्षाकोठा खोज्दै ल क्याम्पस

खरीबोट
ad

काठमाडौँ। त्रिभुवन विश्वविद्यालय (त्रिवि)को आङ्गिक क्याम्पस नेपाल ल क्याम्पसमा स्नातक तह (एलएलबी) प्रथम वर्षमा क्षमताभन्दा करीब २० गुणाबढी विद्यार्थी भर्ना भएपछि कक्षाकोठा अभाव देखिएको छ । 

करीब ५०० क्षमता भएको उक्त क्याम्पसम अहिले स्नातक प्रथम वर्षमा १० हजार ८६० जना विद्यार्थी भर्ना भएका छन् । गत वर्ष ल क्याम्पसमा चार हजार २३८ विद्यार्थी भर्ना भएका थिए । त्रिवि कानून सङ्कायका डीन डा ताराप्रसाद सापकोटाले क्षमताभन्दा बढी विद्यार्थी भर्ना भएपछि पढाउनका लागि कक्षाकोठा खोजिरहेको बताए । 

ल क्याम्पसमा चार वटा कक्षाकोठा मात्र स्नातक तह प्रथम वर्षमा पढाउनका लागि रहेको छ । उनले कक्षाकोठा उपलब्ध गराइदिनका लागि त्रिविका रजिष्ट्रार र रेक्टरसमक्ष पहल गर्नका लागि अनुरोध गरिएको बताए । 

“चार वटा कक्षाकोठामा हामीले अहिले कक्षा सञ्चालन गरिरहेका छौँ । ती कक्षाकोठामा विद्यार्थीको भीड रहेको छ”, उनले भने, “प्राध्यापकसँग सँगै उभिएर विद्यार्थी पढिरहेका छन् ।” 

काठमाडौँस्थित ल क्याम्पस मात्र नभएर उपत्यका बाहिर रहेका छ वटा त्रिविका आङ्गिक क्याम्पसमा पनि क्षमताभन्दा बढी नै विद्यार्थी सङ्ख्या भर्ना गरेका छन् । डीन डा सापकोटाका अनुसार सबभन्दा बढी नेपालगञ्जस्थित क्याम्पस एक हजार २०० र कम बुटवलस्थित क्याम्पसमा ७०० विद्यार्थी भर्ना भएका छन् । 

क्याम्पस प्रमुख डा दिनानाथ पराजुलीले त्रिवि केन्द्रीय क्याम्पससँग जग्गा मागी टहरा निर्माण गरी कक्षा सञ्चालन गर्ने तयारी गइरहेको जानकारी गराए । “हामीले त्रिविसँग ५० रोपनी जग्गा माग गरेका छौँ । त्रिविले जग्गा उपलब्ध गराए भने दशैँपछि उक्त जग्गामा पढाउनका लागि टहरा बनाउनेछौँ”, उनले भने, “हामीले बिहान विद्यार्थीलाई पठाउँछौँ । दिउँसो र कक्षा सञ्चालन नभएका बेला त्रिविले उक्त टहरामा परीक्षासमेत सञ्चालन गर्न सक्नेछ ।” 

एउटा कक्षामा २०० जना पढाउने गरी क्याम्पसले टहरा बनाउने तयारी गरेको छ । क्याम्पस प्रमुख कक्षाकोठाको अभावले अयन्त्र पढाई सञ्चालन गर्नुपर्दा बिहान दिउँसो र साँझ तीनै सिफ्टमा कक्षा सञ्चालन गरिने बताए । एउटै सिफ्टमा सबै विद्यार्थीलाई पढाउन असम्भव भएपछि तीनै सिफ्टमा विद्यार्थीलाई पढाइने जानकारी गराए । 

क्याम्पस प्रमुख डा पराजुलीले त्रिविसँगै क्याम्पस नजिकका विश्व भाषा क्याम्पस, रत्नराज्य क्याम्पस र सरस्वती क्याम्पसमा कक्षाकोठा मागेर पठाउने छलफल भइरहेको बताए । 

यसैगरी करीब १० हजार ८६० जनाले भर्ना गरे तापनि करीब एक हजार जाना क्याम्पस आउने गरेका छन् । पहिलेको तुलनामा अहिले विद्यार्थी आउन थालेको क्याम्पस प्रमुख डा पराजुलीले जानकारी गराए । 

प्रमुखको कार्यकक्षमा तालाबन्दी 

नेपाल विद्यार्थी सङ्घले एलएलबी प्रथम वर्षमा भर्नाको समय थप्नुपर्यो भनेर क्याम्पस प्रमुखको कार्यकक्षमा तालाबन्दी गरेका छन् । नेविसङ्घले असोज ९ गतेदेखि तालाबन्दी गरेका छन् । 

अनेरास्ववियु र अनेरास्ववियु (क्रान्तिकारी)ले स्नातकोत्तर तह प्रथम सेमेष्टरको परीक्षाफल पुनरावलोकन माग गर्दै डीन कार्यालयमा असोज १० गतेदेखि तालाबन्दी गरेका छन् । विद्यार्थीको न्यूनतम अङ्क ‘वि प्लस’ र अधिकतम ‘ए’ र ‘ए माइन्स’ प्राप्ताङ आउने गरी परीक्षाफल आउने हुनुपर्ने माग राखेको डीन डा सापकोटाले जानकारी गराए । 

सम्बन्धित समाचार

कक्षाकोठा खोज्दै ल क्याम्पस

काठमाडौँ। त्रिभुवन विश्वविद्यालय (त्रिवि)को आङ्गिक क्याम्पस नेपाल ल क्याम्पसमा स्नातक तह (एलएलबी) प्रथम वर्षमा क्षमताभन्दा करीब २० गुणाबढी विद्यार्थी भर्ना भएपछि कक्षाकोठा अभाव देखिएको छ ।  करीब ५०० क्षमता भएको उक्त

प्रवेश परीक्षामा सामेल नभएकाले पनि कानून पढ्न पाउने

काठमाडौँ / त्रिभुवन विश्वविद्यालय कानून सङ्कायले प्रवेश परीक्षामा सामेल नभएका पनि कानून तहको स्नातक तह प्रथम वर्षमा पढ्न पाउने व्यवस्था गरेको छ । पहिले प्रवेश परीक्षामा मात्र पढ्न पाउने व्यवस्थालाई गरेको

कानून पढ्न कोटा निर्धारण, ४० दिनदेखि लागेको ताला खुल्यो

काठमाडौँ । लामो समयदेखि त्रिवि कानून संकाय डिन कार्यालयमा लगाएको ताला आज खुलेको छ ।  विद्यार्थी र डिन कार्यालयबीच आज सहमति भएपछि करीब ४० दिनदेखि लगाइएको तालाबन्दी खुलेको नेपाल ल क्याम्पसका

कानून पढ्न कोटा निर्धारण, ४० दिनदेखि लागेको ताला खुल्यो

काठमाडौँ । लामो समयदेखि त्रिवि कानून संकाय डिन कार्यालयमा लगाएको ताला आज खुलेको छ ।  विद्यार्थी र डिन कार्यालयबीच आज सहमति भएपछि करीब ४० दिनदेखि लगाइएको तालाबन्दी खुलेको नेपाल ल क्याम्पसका


z