शहिद स्मारक ए डिभिजन लिग :  च्यासल र मच्छिन्द्र क्लब गोलरहित बराबर

खरीबोट

काठमाडाैं।  शहिद स्मारक ए डिभिजन लिगमा च्यासल र मच्छिन्द्र क्लबले गोलरहित बराबरी खेलेका छन् ।

सातदोबाटोमा रहेकाे एन्फा मैदानमा भएको खेलमा दुवै टिमले गोलरहित बराबरी खेलेका हुन् । प्रतिस्पर्धात्मक बनेको खेलको ३१औं मिनेटमा च्यासलले गोलको सुन्दर मौका पाएपनि गोल गर्न असफल भएको थियो ।

राष्ट्रिय टिमका स्ट्राइकर विमल घर्तीमगरलाई अनुबन्ध गरेको च्यासलले ३५औं मिनेटमा अर्को मौका पाएको थियो, तर विश्व अधिकारीले पेनाल्टी एरियाबाट गरेको प्रहार क्रसबारमा लागेर बाहिरियो ।

५४औं मिनेटमा अमिर श्रेष्ठले गरेको प्रहारलाई पनि गोलकीपर बचाए । ६५ औं मिनेटमा च्यासलले अर्को मौका पाएपनि उसका स्ट्राइकर सफल भएनन् ।

७५ औं मिनेटमा च्यासलले पेनाल्टीको अवसर पाएको थियो । विमल घर्तीमगरलाई डिबक्समा लडाएपछि पाएको पेनाल्टीलाई हेमन्त थापामगरले प्रहार गरेका थिए तर उनको प्रहार मच्छिन्द्रका गोलकिपर दिप कार्कीले बचाए ।

त्यसपछि दुवै टिमबाट गोल हुन सकेन र अंक बराबरी भयाे । प्रतियोगितामा बिहीबार दुई खेल हुनेछन् । जसमा फ्रेन्ड्स क्लब र थ्रीस्टार तथा जाउलाखेल र नेपाल पुलिसबीच प्रतिस्पर्धा हुनेछ ।

सम्बन्धित समाचार

‘रेलिगेशन’बिनाको ए डिभिजन लिगले घटाएको फुटबल रौनक

काठमाडौँ । गत वैशाखमा अखिल नेपाल फुटबल सङ्घ (एन्फा)को नेतृत्व सम्हालेलगत्तै अध्यक्ष कर्माछिरिङ शेर्पाले भनेका थिए, “चार वर्षदेखि रोकिएको लिग यसै वर्ष शुरु गर्छु ।” एन्फामा विवाद बढ्दै जाँदा चार वर्षदेखि

ए डिभिजन लिग सकियो, कसले कुन अवार्ड जिते ? 

काठमाडौँ । चार वर्षपछि भएको शहिद स्मारक ए डिभिजन लिगको सकिएको छ । लिगमा भाग लिएका १४ क्लबले हरेकले १३-१३ खेल खेलेर सक्दा मनाङ मर्स्यांदी क्लबले १३ खेलमा १२ मा

उपाधि विजेता मनाङ अन्तिम खेलमा फ्रेन्ड्ससँग पराजित

काठमाडौं । शहीद स्मारक ए डिभिजन लिगको उपाधि विजेता टिम मनाङ मर्स्याङ्दी क्लब अन्तिम खेलमा भने पराजित भएको छ ।  लिगको अन्तिम खेलमा मनाङ फ्रेन्ड्स क्लबसँग १–० गोल अन्तरले पराजित भएको

ए डिभिजन लिगमा थ्रिस्टार तेस्रो स्थानमा 

काठमाडौँ । थ्रीस्टार क्लबले हिमालयन शेर्पा क्लबलाई पराजित गर्दै शहीद स्मारक ए डिभिजन लिग फुटबल प्रतियोगितामा तेस्रो स्थान हात पारेको छ ।  ललितपुरको सातदोबाटोस्थित अखिल नेपाल फुटबल सङ्घ (एन्फा को खेल


z