रोनाल्डोका वकिल भन्छन्- बलात्कारको आरोपमा पेश गरिएका प्रमाणहरु नक्कली

खरीबोट

काठमाडौँ।  क्रिस्टियानो रोनाल्डोमाथि लागेको बलात्कारका आरोपमा पेश गरिएका प्रमाणहरु नक्कली भएको उनका वकिलले बताएका छन् ।

रोनाल्डोले सन् २००९ मा अमेरीकाको लस भेगसमा काथरीनलाई बलात्कार गरेको भन्दै केही साता अगाडि काथरीनले जर्मनी मिडियामार्फत खुलासा गरेकी थिइन् । भेगसको एक होटलमा रोनाल्डोले आफूमाथि बलात्कार गरेको आरोप लगाउदै १० बर्षअघिको भनिएको यो प्रकरणमा कानुनी दाउपेच सुरु भएको थियो। यहि प्रकरणमा भेगसको प्रहरीले रोनाल्डोलाई २० दिनको समय दिएर आफ्नो पक्ष राख्न भनेको थियो। 

तर रोनाल्डोका वकिलले काथरीनले बलात्कारका बारेमा पेश गरेको प्रमाणहरु नक्कली भएको बताएका छन् । रोनाल्डो आफैले पनि यो घटना झुटो भएको बताउँदै आएका छन् । जर्मनीको एक पत्रिकाले छापेको अन्तवार्ता गलत भएको भन्दै रोनाल्डोले यसअघि नै आफ्नो भनाई राखिसकेका छन् । 

तरपनि उनी कानुनी रुपमा यसको समाधानका लागि दुई दिन अगाडी वकिल भेट्न लिस्वन पुगेका थिए । यो भेटपछि पहिलो पटक रोनाल्डोका वकिलले एक स्टेटमेन्ट सार्वजनिक गर्दै काथरीनको डकुमेन्टहरु जाली भएको र सबै प्रमाण डिजिटल रुपमा परिमार्जित गरेको बताएका छन् । ३४ वर्षीय काथरीनले लस भेगसको पुलिसमा आफूमाथि बलात्कार भएको भन्दै प्रमाणसहित रिपोर्ट फाइल गरेकी थिइन् ।

रोनाल्डोका वकिलले सन् २००९ मा भेगसमा भएको घटना बलात्कार नभई दुवैको सहमतिमा भएको भन्दै सो कुरालाई रोनाल्डो अस्विकार नगरेको प्रष्ट पारेका छन्। साथै सो घटनापछि रोनाल्डो र काथरिनबीच सहमति भएको पनि उनका वकिलले स्वीकार गरेका छन्।  

सम्बन्धित समाचार

मेसी बने विश्वको धेरै कमाउने खेलाडी

काठमाडौँ । लियोनेल मेसी विश्वको धेरै कमाई गर्ने खेलाडी बनेका छन् । मेसीले आफ्ना प्रतिद्वन्दी क्रिस्टियानो रोनाल्डो र नेइमारलाई पछि पार्दै पछिल्लो १२ महिनामा विश्वमा धेरै कमाई गर्ने खेलाडी बनेका

पोर्चुगल नेसन्स लिगको फाइनलमा, रोनाल्डोको ह्याट्रिक 

काठमाडौँ । क्रिस्टियानो रोनाल्डोको ह्याट्रिकसहित पोर्चुगल नेसन्स लिगको फाइनलमा पुगेको छ । गएराती सम्पन्न सेमिफाइनल खेलमा पोर्चुगलले स्विटजरल्याण्डलाई ३-१ गोल अन्तरले पराजित गरेको हो । पोर्चुगलको जितमा रोनाल्डोले ह्याट्रिक गरेका हुन्

रोनाल्डो माथिको बलात्कारको आरोप फिर्ता !

काठमाडौँ । क्रिस्टियानो रोनाल्डोमाथि अमेरिकी मोडल काथरीन मायोर्गाले लगाएको बलात्कारका आरोप फिर्ता लिएकी छन् । ब्लुमबर्गका अनुसार गत महिना नै रोनाल्डोमाथि लागेको बलात्कारको आरोप बिना सर्त फिर्ता लिइएको उल्लेख गरेको छ ।

रोनाल्डोको गोल च्याम्पियन्स लिगको यस सिजनको उत्कृष्ट गोल

काठमाडौँ । क्रिस्टियानो रोनाल्डोले म्यानचेस्टर युनाइटेडविरुद्ध समुह चरणमा गरेको गोल च्याम्पियन्स लिगको यस सिजनको उत्कृष्ट गोल छनौट भएको छ । यस सिजनको च्याम्पियन्स लिगको टप १० गोलको सुची युइएफएले बनाएको ९


z