दशैँ (कविता)

खरीबोट
ad

खेल्दिन्छु दशैँमा पिङ
रात्री कुकुरको रुवाई संगीत
लाट्कोसेरो र हुच्चिलको शब्द संयोजनमा
अभावको छिद्र बाँसुरी बजाउँदै
उघ्दै ब्युँझिदै गाउँदा गाउँदै
समय चिप्लिसकेछ
कालो समयको बुई चढेर फेरि आयो
दशैँ !
गरिबी चराउँदा चराउँदै
पोहोर साल मरेका चाडपर्वको वर्षदिने खर्च
जुम्ल्याहा तमसुक बनेर जन्मन्छन्
न्वारन गर्दा नगर्दै
सुत्केरी अवस्थामै नाँच्छ अर्काे दशँै यत्रतत्र ।
म पनि 
श्रीमतिलाई भावनाको चोली र
फरियाले चिटिक्क पार्छु
काले र भुन्टे पनि बाहानाको 
ड्रेसमा रमाउँछन्
आफु पनि फेर्नु पर्यो
यमराजी थ्री पिस टाई सुट ।

सदा झैँ बालबच्चा नाचून्
आँसुमा विरह मुछेर खाँदै
बाध्यताको ढिकिमा ढुकु ढुकु
कुटीरहेकी छ श्रीमती
सामन्ति संस्कार र पराकाष्ठको उपजलाई
रहरका डुकुहरु निमोठ्दै घान लगाउँदै छन्
काले र भुन्टि पनि विरहको कुचोले
नव आगन्तुक दशैँलाई
दशँेको लागि केवल गुन्द्रुकको मासु र
अभावको पिठो समेत जोहो छैन
वर्षौँका बडादशैँका आशिर्वाद र वरदान
बसाँई सर्दै तुहिन्दै गरेछन्
सुनेनन् अमुर्त भगवानले
पुकार उपकार
अपहरित छन् क्यारे दुर्गा भवानीहरु
त्यसैले, त्यसैले
निर्दयी समयलाई दोस दाईजो पठाउँदै
स्वादहिन जिब्रो पड्काउँदै
निर्दाेष भोकका लिङ्गा गाडेर
उदास दरिद्रताको डोरीले घाँटिमा बाँधेर
रगतले मुछेका अक्षता र
आनन्दका जमरा भिरेर
शोषक भूमरीलाई मच्चाउन लगाउँदै
यही बडादशैँको शुभ मुहुर्तमा
सदाका लागि खेलिदिन्छु पिङ
हुई सररररररररररररर..... ।।       

-सुवास जमरकट्टेल, नेचा, सोलुखुम्बु

सम्बन्धित समाचार

दशैँ (कविता)

खेल्दिन्छु दशैँमा पिङ रात्री कुकुरको रुवाई संगीत लाट्कोसेरो र हुच्चिलको शब्द संयोजनमा अभावको छिद्र बाँसुरी बजाउँदै उघ्दै ब्युँझिदै गाउँदा गाउँदै समय चिप्लिसकेछ कालो समयको बुई चढेर फेरि आयो दशैँ ! गरिबी चराउँदा चराउँदै पोहोर साल मरेका चाडपर्वको वर्षदिने खर्च जुम्ल्याहा

मुक्तिको गीत (कविता)

जसरी छाँगाबाट छङ्छङ खस्नुमा झरनाले जीवनको सौन्दर्यशास्त्र भेट्छ, त्यसरी काँधमा भिरेको बन्दुकको नालबाट उनीहरु जीवनकै सबसे प्रीय गीत सुसेल्छन् ! जसरी रावणको  पूरा लङ्का ध्वस्त बनाउँन आगोको एक फिलिङ्गो नै काफी हुन्छ, त्यसरी नै तिम्रो साम्राज्यमा

दशैको सम्झनामा (कविता)  

मेरि प्रकृति पनि  कति सुन्दर देखिएकी छिन्  कतै धानका बाला झुलेका छन्  कतै मखमली र सयपत्री  फुल्न लागेका छन्  कस्तो राम्रो बाताबरण  कस्तो स्वास्थ र निर्मल हावा  मान्छेहरू कति खुसी देखिएका  सबैको मनमा उत्साह र  उमंग छाएको छ यो

आमा, म र मेरो सपना (कविता)

एक्काइसौँ शताब्दिको गर्भबाट जन्मिएको म एउटा बालक, सदियौँदेखी प्रकृतिको अनुपम सुन्दरता र दुबोको गुन्टाझैँ मुलायम  आमाको काखमा लुट्पुट्टिरहेछु ! र मलाई मायालु बतासझैँ  कोमल हातहरुले सुम्सुम्याइरहेकी  मेरि आमा भन्दै थिईन् ;- बाबू,, उहिले- उहिले पृथ्वीमा बादशाहहरु थिए उनकै मनोमानी


z