चुनावताका आफूले बोलेका कुरा पूरा नहुँदा दुःख लागेको छ - प्रधानमन्त्री ओली 

खरीबोट

झापा। प्रधानमन्त्री केपी शर्मा ओलीले चानचुने षड्यन्त्रले कुनै हालतमा सरकार नढल्ने बताएका छन्। बिहीबार झापाको बिर्तामोडमा आयोजित दसैं शुभकामना आदानप्रदान तथा चियापान कार्यक्रमलाई सम्बोधन गर्दै प्रधानमन्त्री ओलीले यस्तो बताएका हुन्। 

ओलीले सरकारले काम गरेन भन्दै षड्यन्त्र गर्नेको ओथाराे काम नलाग्ने दाबी गरेका छन्। ‘सरकारले केही गरेन भन्दै हाल्ला फैलाउने र षड्यन्त्र गर्नेको ओथाराे काम लाग्दैन’, ओलीले भने, ‘सरकारले नागरिकको नाकमा कालो दल्ने काम कहिल्यै गर्दैन।’ 

ओलीले नवदुर्गा माताको शक्ति सरकारलाई पनि प्राप्त भएकाले षड्यन्त्रकारी आफैं पराजित हुने दाबीसमेत गरेका छन्। ‘नवदुर्गा माताको शक्ति सरकारलाई पनि प्राप्त भएको छ’, उनले भने, ‘षड्यन्त्र गर्ने आफैं पराजित जान्छन्, नागरिकले दुःख नमाने हुन्छ।’ 

प्रधानमन्त्री ओलीले धेरै नागरिकको चाहनाले नै अहिलेको सरकार बनेको र आफूलाई प्रधानमन्त्री बनाएको बताउँदै सरकार सुशासनको बाटोबाट पछि नहट्ने बताए। सरकारको लक्ष्य भनेकै राष्ट्रिय संकल्प पूरा गर्ने र सो संकल्प भनेकै विकास भएको उनको भनाइ छ। ओलीले विकासको पाइला नरोकिएको बताउँदै विकासको चरण सबैले बुझ्नु आवश्यक भएको बताए।

आफू प्रधानमन्त्री हुँदा सरकारको ढुकुटी रित्तो अवस्थामा रहेको, संघीय र स्थानीय सरकार निर्माण गर्नुपर्ने, विकासका काम बीचमा नै रोकिएको अवस्थामा रहेकाले सबैलाई गति दिन समय लागेको उनको भनाइ छ। 

चुनावमा बोलेको कुरा पूरा नहुँदा ओली दुःखी 

प्रधानमन्त्री ओलीले चुनावताका आफूले बोलेका कुरा पूरा नहुँदा दुःख लागेको बताएका छन्। उनले चुनावमा घोषणा गरे अनुसार नै वृद्धभत्ता बढाउने आवश्वासन भने दिए। ‘केही कुरा चुनाव ताका बोले पनी पूरा गर्न नसक्दा मलाई दुःख लागेको छ’, ओलीले भने,  ‘आगामी वर्षदेखि वृद्धभत्ता बढाएर वितरण गर्ने तयारी सुरु भएको छ।’ 

कोशी र गण्डकीमा पानी जहाज चलाउने आफ्नो कुरालाई धेरैले हावामा उडाएको गुनासो गर्दै उनले आफू नेतृत्व सरकारकै पालामा बोलेको कुरा पूरा गरेर देखाउने बाचा गरे। उनले पाँच वर्षमा रक्सौल–काडमाडौं रेल सेवा सुरु हुनेमा शंका नगर्न आग्रह गर्दै सरकार महत्वपूर्ण योजनामा लागेको बताए। 

प्रधामन्त्री ओली बिर्तामोडमा शुभकामना आदनप्रदान कार्यक्रममा सहभागी हुनुपुर्व चन्द्रगढीस्थित झापा जिल्ला समन्वय समितिको भवनमा आयोजित कार्यक्रममा सहभागी बनेका थिए। ओली अपरान्ह काडमाडौं फर्किएका छन्। 

सम्बन्धित समाचार

प्रधानमन्त्रीको स्वीट्जरल्याण्ड भ्रमणः मुलुकको आर्थिक विकासका सहयोग

काठमाडौँ । प्रधानमन्त्री केपी शर्मा ओलीबाट हुनलागेको स्वीट्जरल्याण्ड भ्रमणले मुलुकको आर्थिक विकासमा सहयोग पुग्ने विश्वास व्यक्त गरिएको छ ।  प्रधानमन्त्रीका परराष्ट्र सल्लाहकार डा राजन भट्टराईले प्रधानमन्त्रीको माघ ६ देखि १२ सम्म

विदेशमा अवैधरुपमा रकम जम्मा गर्नेलाई कारवाही गरिन्छ – प्रधानमन्त्री ओली 

काठमाडौँ । प्रधानमन्त्री केपी शर्मा ओलीले संसदमा सांसदहरुले सोधेका प्रश्नको जवाफ दिदै विदेशमा अवैधरुपमा पैसा राख्नेलाई छानबिन गरेर कारवाही गर्ने बताएका छन् । नेकपाका सांसद खगराज अधिकारी र नेपाली काँग्रेसका सांसद

प्रधानमन्त्रीले आज सांसदका प्रश्नको जवाफ दिने

काठमाण्डौ । प्रतिनिधिसभाको शुक्रबारको बैठकमा प्रधानमन्त्री केपी शर्मा ओलीले सांसदले उठाएका प्रश्नको जवाफ दिने कार्यसूची छ ।  दिउँसो १२ बजे बस्ने बैठकमा प्रधानमन्त्री ओलीलाई शुक्रबार सांसदले ठाडै प्रश्न गर्न सक्ने संसद्

प्रधानमन्त्री ओलीद्वारा चोभारस्थित सुक्खा बन्दरगाह शिलान्यास

काठमाडौं । प्रधानमन्त्री केपी शर्मा ओलीले चोभारस्थित सुक्खा बन्दरगाह शिलान्यास गरेका छन् । स्थानीयको विरोधका कारण यसअघि रोकिएको सुक्खा बन्दरगाह (काठमाडौं कन्टेनर फ्रेट स्टेसन) प्रधानमन्त्री ओलीले बिहीबार शिलान्यास गरेका हुन्


z