- २०८१ बैशाख ७ शुक्रबार
मुम्बई। बलिवुडमा #MeToo अभियान अन्तर्गत यौन शोषणको आरोप लागेका संगीतकार अनु मलिकलाई रियालिटी शो इन्डियन आइडलबाट हटाइएको छ। सोनी टिभीबाट प्रसारण हुने इन्डियन आइडल अब अनु मलिक बिना रहने सोनी टिभी ले जनाएको छ।
अनु मलिकलाई उत्पीडन आरोप लागेको थियो । यसअघि गायिका सोना महापात्राले मलिकमाथि उत्पीडनको आरोप लगाएकी थिइन् भने अहिले फेरी गायिका श्वेता पण्डितले मलिकमाथि उत्पीडनको आरोप लगाएकी थिइन् ।
आफ्नो #MeToo अनुभव सामाजिक संजाल ट्वीटरमा सार्वजनिक गर्दै श्वेताले मलिकले आफुलाई गीत दिएपछि त्यसको बदलामा किस मागेको खुलासा गरेकी छन्। श्वेताले आफु मलिकको यौन दुर्व्यवहारको शिकार भएको सार्वजनिक गर्दै आफु बलिवुडमा नयाँ नयाँ भएको बेला मलिकले त्यस्तो गरेको खुलासा गरेकी हुन्।
सन् २००१ को घटना सार्वजनिक गर्दै गायीका श्वेताले मुम्बईस्थित एम्पायर स्टुडियोमा मलिकले आफुलाई बोलाएको र गीत गाउन लगाएका थिए। सो गीतमा सुनिधि र शानले उनलाई साथ् दिने तर त्यसका लागि अहिले आफुलाई किस गर्नु पर्ने शर्त मलिकले राखेको उल्लेख गरेकी छन्। आफु त्यो बेला केवल बर्षको रहेको र आफुले मलिकलाई अंकल भन्ने गरेको भन्दै सो बेला आफु एक महिना सम्म तनावमा रहेको उल्लेख गरेकी छन्।
#MeToo अभियान अन्तगत बलिवुडमा कैयौ सेलिब्रेटीका यौन शोषण र उत्पीडनका प्रकरण अगाडी आएका छन्। बलिवुडका चर्चित निर्देशक सुभाष घई, विकास बहल, साजिद खान, अभिनेता नाना पाटेकर, कैलाश खेर, आलोक नाथलगायत कैयौलाई यौन शोषणको आरोप लागेको छ।
