रुस । एक जना रक्स्याहा प्याराट्रुपर (सैनिक जसलाई प्यारासुटको तालिम दिइएको हुन्छ)ले लाइभ शोमै रिपोर्टिङका क्रममा पन्च हानेका रिपोर्टरले उक्त भिडियो भाइरल बनेपछि आत्महत्या गरेका छन् ।
रुसको राजधानी मस्कोस्थित रसियन टिभी च्यानल एनटीभीका लागि संवाददाता रहेका निकिता राजभोहाएभले आत्महत्या गरेका हुन् ।
राजभोहाएभलाई तीन महिनाअघि पूर्वप्याराट्रुपर अलेक्जेन्डर ओर्लोभले लाइभ रिपोर्टिंगका क्रममा रसियाको एयरबोर्न फोर्स डे मनाइरहँदा पन्च हानेका थिए ।
रिपोर्टरले भिडियोमा शान्त हुन आग्रह गरिरहँदा रक्सीले मातेका ओर्लोभले कराएको सुन्न सकिन्छ ।
यद्यपि उनले पछि भने क्षमा मागेका थिए ।
तर रिपोर्टरले भने त्यसपछि आफूलाई निकै एक्लिएको महसुस गर्ने गरेको बताइएको छ ।
सोही कारण उनले आफ्नी प्रेमिकासँग पनि सम्बन्ध तोडेका थिए ।
उनीसंलग्न टिभीले पनि उनको आत्महत्याको पुष्टि गरेको छ ।