काठमाडौँ। कोपा डेल रे अन्तर्गत बार्सिलोनाले कल्चरल लेओनेसविरुद्ध संघर्षपूर्ण जित हासिल गरेको छ। हाल आफ्ना स्टार खेलाडी लियोनेल मेसी बिना खेलिरहेको बार्सिलोनाले खेलको इन्जुरीसमयमा ९१औ मिनेटमा क्लेमेन्ट लेंगलेटले गोल गरेपछि खेल १-० ले जितेको छ।
आइतबार मात्र रियल म्याड्रिडलाई ५-१ गोल अन्तरले पराजित गरेको बार्सिलोनाले यस खेलमा लुइस स्वरेज र फिलिप कोटीन्होलाई आराम दिएको थियो।
मेसी, स्वरेज र कोटीन्हो बिना बार्सिलोनाले कल्चरलविरुद्ध संघर्षपूर्ण जित हासिल गर्दै पहिलो लिगमा १-० को अग्रता हासिल गरेको छ भने अब दोस्रो लिग डिसेम्बर ५ मा खेल्ने छ।