- २०८१ बैशाख ७ शुक्रबार
अब चै बिश्वास गर्ने आधार आएको छ
पोको पारेर रुमालमा प्यार आएको छ !
अस्ति दशैँ आएथ्यो बाआमा रुवायो
भोली बैनी रुवाउने तिहार आएको छ !
बाबाको सिरानीमुनि तमसुक भेटेपछि
भाई पनी मसँगै कतार आएको छ !
जोसँग जिन्दगी बिताउने सपना देखियो
आज उस्कैबिहेको समाचार आएको छ !
पर्ख न मेरो गाउँ पनि आउँछ एकछिनमा
भर्खर त सिन्धुलीमाडी बजार आएको छ !
छोरी,बहिनीको बलात्कृत तस्बिर बोकेर
एकाबिहानै घरमा अखबार आएको छ !
सुनिल जलन
दु.न.पा.-१ सिन्धुली
