कस्तो होला कांग्रेसको आर्थिक नीति ? सहमहामन्त्री महतको समितिले गर्दै छ तयारी

खरीबोट

काठमाडौँ / नेपाली काङ्ग्रेसले पार्टीको महासमितिको बैठकमा प्रस्तुत हुने आर्थिक नीतिसम्बन्धी प्रस्ताव तयारीलाई तीव्र गति दिएको छ । 

पार्टीले सो कार्यका लागि सहमहामन्त्री डा प्रकाशशरण महतको संयोजकत्वमा आर्थिक नीति मस्यौदा समिति गठन गरेको थियो । समितिको आज बसेको बैठकले समग्र आर्थिक नीति मस्यौदा तयारीमा विज्ञहरु डा स्वर्णिम वाग्ले, डा गोविन्द पोखरेल, डा पोषराज पाण्डे, अच्युत वाग्ले र डा विश्व पौडेलसँग आवश्यक सहयोग लिने निर्णय गरेको छ । 

समितिले यसअघि आर्थिक नीति मस्यौदा तयारीका लागि आवश्यक सुझाव लिने क्रममा यही कात्तिक ९ गते गण्डकी प्रदेशको पोखरामा सो क्षेत्रका पार्टी सभापति तथा विज्ञको संलग्नतामा सुझाव लिने काम सम्पन्न गरिसकेको छ । 

त्यस्तै कात्तिक १० गते प्रदेश नं २ मा, कात्तिक ११ गते प्रदेश नं १ मा र कात्तिक १२ गते कर्णाली र सुदुरपश्चिम प्रदेशका जिल्लाका सभापति र विज्ञको संलग्नतामा सुझाव लिने काम सम्पन्न गरिसकेको पार्टी कार्यालयले जनाएको छ । 

कात्तिक २५ गते भक्तपुरमा प्रदेश नं ३ मा सुझाव सङ्कलन लिने कार्यक्रम रहेको पार्टी कार्यालयका मुख्य सचिव कृष्णप्रसाद पौडेलले जानकारी दिए । 

साथै, राष्ट्रियस्तरका आर्थिक, सामाजिक क्षेत्रका विज्ञ र उद्योग व्यवसायी सङ्घसंस्थाका प्रतिनिधि, शुभेच्छुक र भ्रातृ सङ्घका केन्द्रीय प्रतिनिधिसँग पनि यही महीनाभित्र सुझाव सङ्कलन गरिसक्ने बैठकले निर्णय गरेको छ । 

सम्बन्धित समाचार

मेलम्चीमा मन्त्री-सचिवले कमिसन मागे – प्रकाशमान सिंह 

काठमाडौँ । नेपाली काँग्रेसका नेता प्रकाशमान सिंहले वर्तमान सरकारबाट भएका भ्रष्टाचारको पोल खुल्दै जाने बताएका छन् । सरकारको गलत कामका कारण जनताको चित्त बुझाउन जनप्रतिनिधिहरुलाई गाह्रो भएको गुनासो पनि उनले

निषेधको राजनीतिले द्वन्द्व बढायो : संजय गौतम

बर्दिया । सत्तापक्षले देशमा निषेधको राजनीति गर्दा द्वन्द्व बढेको नेपाली काँग्रेसका सांसद एंव पूर्वसिचाई मन्त्री संजयकुमार गौतमले बताएका छन । चैत्र ७ गते बिहिवार स्व.गिरीजाप्रसाद कोईरालाको ९औं स्मृति दिवसका अवसरमा जी

गणतन्त्र, संघीयता र धर्मका बारेमा जनमत संग्रह – डा. शशांक कोइराला

काठमाडौं । प्रमुख प्रतिपक्षी दल नेपली काँग्रेसका महामन्त्री डा. शशांक कोइरालाले गणतन्त्र, संघीयता र धर्मका बारेमा जनमत संग्रह गर्नुपर्ने बताएका छन् । होलीका अवसरमा बुधबार आफ्नै निवासमा आयोजित कार्यक्रममा कोइरालाले भने,

काँग्रेसको निर्वाचन समिति र नियमावली मस्यौदा समिति गठन

काठमाडौँ । नेपाली काङ्ग्रेसले पार्टीको १४औँ महाधिवेशन सम्पन्न गर्न राधेश्याम अधिकारीको संयोजकत्वमा पाँच सदस्यीय निर्वाचन समिति गठन गरेको छ ।  पार्टी केन्द्रीय कार्यालय सानेपामा सभापति शेरबहादुर देउवाको सभापतित्वमा मंगलबार बसेको केन्द्रीय


z