ट्रम्पले महान्यायाधिवक्तालाई हटाएकोमा विपक्षीको आपत्ति 

खरीबोट

वासिङ्टन। अमेरिकी राष्ट्रपति डोनाल्ड ट्रम्पले महान्यायाधिवक्तालाई हटाएको प्रति विपक्षी पार्टीले आपत्ति जनाएको छ । राष्ट्रपति ट्रम्पले महान्यायाधिवक्ता जेफ सेसन्सलाई पदबाट हटाएपछि आफ्नो कमजोरी लुकाउन तथा मनपरी गर्न ट्रम्पले महान्यायाधिवक्तालाई हटाएको विपक्षी डेमोक्र्याट पार्टीको आरोप छ । 

डेमोक्र्याट पार्टीबाट सिनेटमा प्रतिनिधित्व गर्ने नेता चक स्कमरले ट्वीट गर्दै लेख्नु भएको छ, “स्पष्टरूपमा राष्ट्रपतिले लुकाउनुपर्ने केही कुरा हुनुपर्छ ।“ ट्रम्प निर्वाचित भएको राष्ट्रपतिय निर्वाचनमा रुसी हस्तक्षेपसम्बन्धी अनुसन्धानमा आफ्नो अनुकुल हुन वाधा पु¥याउने आशंकामा महान्यायाधिवक्तालाई हटाइएको आरोप धेरैले लगाएका छन् । 

अमेरिकी अनुसन्धानबाट सन् २०१७ को मार्चमा सेसन्स अलग भएदेखि ट्रम्पले उहाँको आलोचना गर्दै आउनुभएको थियो । सेसन्ससँग असन्तुष्ट र त्रसित ट्रम्पले उहाँलाई जवरजस्ती राजिनामा गर्न लगाउनुभएको समाचारमा जनाइएको छ । 

राजीनामापत्रमा सेसन्सले महान्यायाधिवक्ता पद छाड्ने निर्णय आफ्नो नभएको स्पष्ट पार्नुभएको छ । आफ्नो राजीनामापत्रमा सेसन्सले लेख्नुभएको छ, “प्रिय राष्ट्रपति महोदय, तपाईँको आग्रहमा म आफ्नो पदबाट राजीनामा दिँदैछु ।” 

मिति उल्लेख नभएको राजिनामा पत्रमा उहाँले सेवा गर्ने मौका दिएकोमा ट्रम्पलाई धन्यवाद दिन चाहेको उल्लेख गर्नुभएको छ । उहाँले लेख्नुभएको छ, “सबैभन्दा महत्तवपूर्ण कुरा म महान्यायाधिवक्ता पदमा रहँदा हामीले विधिको शासन पुनःस्थापित गर्न सक्यौँ र त्यसलाई कायम गर्न सक्यौँ । ” 

सेसन्सले राजिनामा दिएपछि उहाँलाई राष्ट्रपति ट्रम्पले धन्यवाद दिनुभएको छ । उहाँले ट्वीटरमा लेख्नु भएको छ, “हामी महान्यायाधिवक्ता जेफ सेसन्सलाई धन्यवाद दिन चाहन्छौँ र उहाँको आगामी दिन अझ राम्रो होओस् भन्ने कामना गर्दछौँ।” 

सेसन्सको ठाउँमा तत्कालका लागि उहाँका वरिष्ठ सहयोगी ’चिफ अफ स्टाफ’ म्याथ्यु ह्वीटेकरलाई जिम्मेवारी दिइएको छ । सन् २०१६ को अमेरिकाको राष्ट्रपतीय चुनावमा रुसको हस्तक्षेपबारेको अनुसन्धानको ह्वीटेकरले आलोचना गर्दै आउनुभएको छ । 

सम्बन्धित समाचार

अमेरिकी राष्ट्रपति ट्रम्पद्वारा मेक्सिको सीमामा पर्खालका लागि भिटो प्रयोग

अमेरिका । अमेरिकी कङ्ग्रेसले मेक्सिको सीमामा मानवीय सङ्कटकाल लगाएर भए पनि सीमामा पर्खाल निर्माण गरिछाड्ने राष्ट्रपति डोनाल्ड ट्रम्पको प्रस्ताव अस्वीकृत गरेसँगै कङ्ग्रेसको निर्णय विरुद्ध राष्ट्रपति ट्रम्पले विशेषाधिकार (भिटो) प्रयोग गरेका

डोनल्ड ट्रम्पको पर्खाल परियोजनामाको विपक्षमा रिपब्लिकन सिनेटहरू पनि

वासिङ्टन । संयुक्त राज्य अमेरिकाको संसदको माथिल्लो सदन सिनेटले दक्षिणी सिमानामा पर्खाल बनाउनको लागि रकमको जोहो गर्न राष्ट्रपति डोनल्ड ट्रम्पले घोषणा गरेको राष्ट्रिय संकटकाल उल्ट्याउने पक्षमा मतदान गरेको छ ।  केही

बोइङ ७३७ उडान स्थगन गर्न ट्रम्पको आदेश

अमेरिका । संयुक्तराज्य अमेरिकाले सम्पूर्ण बोइङ ७३७ म्याक्स सिरिजका विमानहरु अमेरिकी आकाशमा उडान नगर्न आदेश दिएको छ । राष्ट्रपति डोनाल्ड ट्रम्पले उक्त आदेश जारी गर्दै बोइङ ७३७ म्याक्स सिरिजका विमानको

ट्रम्प र किमबीच तेस्रो शिखर वार्ताको सम्भावना छ : बोल्टन

अमेरिका । अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ–अनसँग तेस्रो शिखर वार्ता गर्न आफू खुल्ला रहेको बताएका छन् । अमेरिकी राष्ट्रिय सुरक्षा सहल्लाकार जोन बोल्टनले आइतबार अमेरिकी टेलिभिजन च्यानल


z