- २०८१ बैशाख ७ शुक्रबार
बारा। बाराको जीतपुरसिमरा उपमहानरपालिका वडा नं.७ स्थित जीतपुरमा रहेको शिवशक्ति घ्यू उद्योगको थर्मिक फ्लुड आयल हिटरमा आईतवार राती आगलागी भएको छ ।
विद्युत् सर्ट सर्किटका कारण भएको आग लागीबाट थर्मिक फ्लुड आयल हिटर पूर्ण रुपमा जलेर नष्ट भए पछि करिब एक करोड रुपैयाँ मूल्य बराबरको क्षेती भएको हो ।
ईलाका प्रहरी कार्यालय जीतपुरका प्रहरी नायाव निरिक्षक रामउदय शर्माका अनुसार आईतवार राती करिब ७ : ४५ बजेको समयमा सुरु भएको आगलागीलाई करिब तीन घण्टाको प्रयास पछि नियन्त्रण लिईएको थियो । भने कुँनै प्रकारको मानविय क्षेती भने हुँन नसकेको प्रहरीले जानकारी दिएको छ ।
आगोलाई नियन्त्रणमा लिनका लागि सो उद्योगमा कार्यरत मजदुर , घटना स्थलमा गएको नेपाल प्रहरी, सशस्त्र प्रहरीहरुको सह्योगमा सिमरा विमान स्थल, जीतपुरसिमरा उपमहानगरपालिका, बिरगंज महानगरपालिका र नेपाल आयल निगम अम्लेखगंजको वारुणयन्त्रको सह्योगमा राती करिब ११ बजेको समयमा नियन्त्रणमा लिईएको थियो ।
कसको हो लापरवाही ?
शिवशक्ति घ्यू उद्योगको थर्मिक फ्लुड आयल हिटर अर्थात विद्युत्द्वारा धानको भुस गलाउँने ब्वाईलरमा आग लागी हुँदा पूर्ण रुपमा जलेर नष्ट भएको छ ।
उद्योग प्रशासनका सतिश अग्रवालले करिब एक करोड रुपैयाँ मूल्य पर्ने सो ब्वाईलरमा विद्युत् सर्ट सर्किटका कारण आगलागी भएको बताउँ छन् । तर , विद्युत् सर्ट सर्किट भएर आग लागी हुँनुमा दोषी को ? भन्ने हाम्रा सम्वाददाता श्याम गुप्ताको जिज्ञासामा उनले पन्छिदै टेक्निकल खराबीका कारण विद्युत् सर्ट सर्किट भएको बताएका छन् ।
अर्बौं रुपैयाँको लगानीमा सञ्चालित सो उद्योगमा सिभिल ईन्जिनियर देखि मेकानिकल ईन्जिनियरहरु भएको सो उद्योगको ब्वाईलरको समय समयमा रेखदेख नगरिएकै कारण आज यस्तो घटना भएको सहजै अनुमान गर्न सकिन्छ ।
उद्योग प्रशासनका सतिश अग्रवाललाई सो घटना बारे प्रश्न गर्दा उनी क्यामेरामा बोल्न नचाहने कुरामा सहजै संड्ढा गर्न सकिन्छ र यस्तो घटना हुँनुमा उद्योगले चरम लापराही गरेको देखिन्छ ।
