- २०८१ बैशाख १३ बिहीबार
मुम्बई। बलिउड अभिनेत्री नेहा धुपियाले छोरीलाई जन्म दिएकी छन्। अंगद बेदीसँग ६ महिना अघि गत मे मा गोप्य रुपमा विवाह गरेको यो जोडी छोरीको माता पिता बनेको हो । यसअघि नेहा र अंगदले हतार हतार विवाह गर्नुको पछाडि नेहा गर्भवती भएको मिडिया रिपोर्ट सार्वजनिक भएको थियो ।
नेहा र अंगदले यस रिपोर्टलाई नकार्दै आएपनि पछि भने सो रिपोर्ट साँचो रहेको स्वीकार गरेका थिए । साथै आफुहरु पहिलो सन्तानको मातापिता बन्न लागेको जानकारी पनि दिएका थिए ।
अभिनेत्री नेहा धुपियाले आफू गर्भवती भएको खबर लुकाउनुको पछाडिको कारण काम रहेको बताएकी थिइन् । साथै गर्भवती भएको खबरले आफूलाई कामका अफरहरु बन्द हुनसक्ने डरका कारण उक्त खबर लुकाएको बताएकी थिइन् ।
नेहाले ६ महिनासम्म गर्भवती भएको कुरा कसैले थाहा नपाएको र पेट ठूलो नदेखिएकाले आफूलाई काम गर्न सजिलो भएको पनि बताएकी थिइन । उनी गर्भावस्थामा समेत सक्रिय भएर काम गर्दै आइरहेकी थिइन् । नेहाले हाल टेलिभिजन च्याट शोको सिजन तीन फिल्टर नेहा चलाइरहेकी छन्। उक्त सो मा हालै उनले आफ्ना पति अंगदलाई बोलाएर आफ्नो प्रेगनेंसीको बारेमा अनेकौ खुलासा गरेकी थिइन्।
