कमल पोखरी निर्माणको ढाँचा तयार, ०७६ सालको छठसम्ममा निर्माण सम्पन्न हुने 

खरीबोट

काठमाडौँ । काठमाडौँ महानगरपालिकाका मेयर विद्यासुन्दर शाक्यले अब महानगरपालिकाले खन्ने र पुर्ने काममा मात्र नभई पूर्वाधार विकास र निर्माणमा ध्यान दिने बताउनु भएको छ । कमल पोखरी निर्माणका लागि सहरी योजना आयोगले तयार पारेको प्रस्तावित ढाँचाका बारेमा छलफल गर्दै मेयर शाक्यले यस्तो बताएका हुन् । 

मेयर शाक्यले २३ रोपनी १४ आना क्षेत्रफलमा फैलिएको कमल पोखरीको  स्वरुप अब फेरिने दाबी गरे ।  सहरी योजना आयोगमै सरोकारवालासँग छलफल गर्दै मेयर शाक्यले काठमाडौँको मुटुमा अवस्थित उक्त पोखरी मात्र नभई महानगर भित्र रहेका अन्य पोखरी र पार्कलाई पनि व्यवस्थित र हरियालीयुक्त बनाउने बताए ।

काठमाडौँ क्षेत्र नम्बर चारबाट निर्वाचित संघीय सांसद गगन थापा, प्रदेश सांसद नरोत्तम वैद्यलगायतसँगको छलफलमा मेयर शाक्यले महानगरपालिका सहरी सौदर्य बढाउने अभियानमा जुटेको पनि बताए ।

कमल पोखरीको अस्थित्व जोगाउँदै निर्माण गर्ने मेयर शाक्यको भनाई थियो । उनले योजना पास भएर काम थालेको एक वर्ष भित्रमा पोखरी निर्माणको सम्पूर्ण काम सम्पन्न हुने भन्दै सबैलाई विकासमा हालेमालो गरेर अघि बढ्न आग्रह गरे । उनले सहमतिका साथ काम अघि बढ्ने हो भने ०७६ सालको छठसम्ममा कमल पोखरी निर्माणको काम सम्पन्न हुने दाबी समेत गरे ।  

छठको बेलामा व्रतालुहरुलाई बस्न र छठ मनाउनका लागि समेत सहज हुने गरी पोखरी निर्माणको ढाँचा तयार पारिएको उनको भनाई छ । मेयर शाक्यले पार्क, पोखरी सबै धर्म र आस्था भएकाहरुको साझा हुने भन्दै सो पोखरीको अस्तित्व जोगाउने गरी निर्माण गर्ने पनि जानकारी दिए । 

‘हामी कमल पोखरीलाई छठ पोखरी वा रानीपोखरीको दाई–भाई पोखरी बनाउन खोजिरहेका छैनौँ,’ मेयर शाक्यले भने, ‘हामी कमल पोखरीलाई कमल पोखरी नै बनाउन चाहन्छौँ ।’ उहाँले अब बन्ने कमल पोखरी वरीपरी चिल्ड्रेन पार्क, ढुंगेधारा, अपाङ्गमैत्री शौचालय, जिम हल, उधान र सार्वजनिक स्थल रहने पनि जानकारी दिए । बृद्धबृद्धालाई समेत ध्यानमा राखेर निर्माणको ढाँचा तयार सो पोखरीमा रात्रीकालिन वत्तीको समेत व्यवस्था गरिएको सहरी योजना आयोगका सदस्य सचिव सरोज बस्नेतले जानकारी दिए । सो पोखरी निर्माण सम्पन्न भएपछि पोखरी वरीपरी फ्रि वाइफाईको समेत व्यवस्था गर्ने महानगरको तयारी छ ।  

नेपाली कांग्रेसका केन्द्रीय सदस्य समेत रहेका संघीय सांसद गगन थापाले आफू निर्वाचित भएको क्षेत्रमा महानगरपालिकाले राम्रो योजना ल्याएको भन्दै योजना सफल बनाउन आफू लागि पर्ने बताए ।  ‘नगर प्रमुखलाई सबै भन्दा पहिला धन्यवाद,’ थापाले कमल पोखरी निर्माणको ढाँचा हेरेपछि खुशी हुँदै भने, ‘निकै मेहनतका साथ काम गर्नुभएको रहेछ । मलाई एकदम मन पर्यो । हामी महानगरपालिकासँग मिलेर कामगर्न तयार छौँ । अर्को छठसम्ममा काम सम्पन्न गर्नेगरी योजनालाई अघि बढाऔँ ।’ 

सांसद थापाले कमल पोखरीको किनारामा रहेको प्रहरी कार्यालय स्थानान्तरण गर्न पहल गर्ने पनि प्रतिवद्धता व्यक्त गरे । मस्त्य विकास केन्द्रबाट पोखरीको स्वामित्व निक्र्यौल गर्नेलगायतका कुरामा पनि पहल गर्नुपर्ने उनको भनाई थियो ।  ‘योजना राम्रो बनेको छ  । कमल पोखरी विकास समाजसँग पनि छालफल गरौँ, त्यहाँका क्लवका साथीहरुसँग पनि सहकार्य गरेर अघि बढौँ,’ थापाले भने, ‘यो पोखरी कला र संस्कृतिलाई जोड्ने खालको होस ।’ 

कमल पोखरी संरक्षण योजनाबारे जानकारी दिदैँ सदस्य सविच बस्नेतले भने– ‘कमलपोखरी  बास्तुशास्त्रमा आधारीत भएर निर्माण हुने छ ।’  उहाँले पोखरी छिर्ने गेटलाई नेपाली स्वरुप दिने, पोखरी निर्माणमा नेपाली इट्टा र दर्शन ढुंगा प्रयोग गर्ने, बास्तुमूर्ति स्थापना गर्ने लगायतको ढाँचा तयार पारेको जानकारी दिए । उनले पोखरी निर्माणका लागि सबै ढाँचा तयारी भए पनि पानीको सतह र निकासका बारेमा अझै समस्या भएको पनि जानकारी दिए ।  उनले पानीलाई कसरी दैनिक सफल गर्न सकिन्छ भन्ने बारेमा पनि अध्ययन भैरहेको भन्दै पोखरी आसपासमा नेपालीपना झल्काउन झिँगटीका छाना बनाउने, विभिन्न ठाउँमा चैत्य राख्ने, पाँचओटा मकरधार निर्माण गर्ने तयारी भएको बताउनु भयो ।  फाउण्टेनको समेत अवधारणा ल्याएको उनको भनाई थियो ।  बस्नेतले डिजाइन स्वीकृत भएपछि काम हुरु भएको मितिले ९ महिनाभित्र सबै काम सकिने पनि दाबी गरे । सहरी योजना आयोगले महानगर भित्रका विभिन्न पार्क र पोखरीको डिजाइन तयारी पार्दै आएको छ । 

प्रदेश सांसद नरोत्तम वैद्यले पोखरीको डिलमा राजनीतिक दलका लागि भाषण गर्ने छुट्टै ठाउँको व्यवस्था गर्नु पर्ने सुझाव दिए । उनले हरियाली व्यवस्थापन गर्न कठिन हुने भन्दै त्यसमा बढी जोड नदिन सुझाव दिए । छलफलमा स्थानीय क्लवका अध्यक्षलगायतले पनि पोखरी निर्माणका लागि आफूहरु बाधक नबन्ने बताएका थिए ।  
 

सम्बन्धित समाचार

सहकारीलाई कडाइका साथ नियमन गर्दै कामपा

काडमाडौं । काठमाडौं महानगरपालिकाले सहकारीलाई कडाइका साथ नियमन गर्ने भएको छ । नेपाल सरकारको निर्णय, प्रचलित कानून र संवैधानिक व्यवस्थाअनुसार कामपाले सहकारीलाई कडाइ गर्ने बताएको छ ।     खरीबोटसँग कुरा गर्दै काठमाडौं

फोहोर व्यवस्थापन स्थल सिसडोलको अनुगमन 

काठमाडौं । मंगलबार महानगरको वातावरण व्यवस्थापन समितिका पदाधिकारीले वातावरण व्यवस्थापन बिभागका अधिकारीसहित फोहोरको अन्तिम व्यवस्थापन कार्यको अवलोकन गरेका छन् ।  उपत्यकाबाट उत्पादन भएको फोहोर ढुवानी, ल्याण्डफिल्ड साइटमा पुर्याउदाको अवस्था, साइटको व्यवस्थापन,

आगामी शैक्षिक सत्रदेखि स्थानीय पाठ्यक्रम लागू गर्दै महानगर

काठमाडौँ । काठमाडौँ महानगरपालिकाले आगामी शैक्षिक सत्रदेखि अनिवार्यरूपमा स्थानीय पाठ्यक्रम लागू गर्ने भएको छ । कामपका शिक्षा विभाग प्रमुख सीताराम कोइरालाका अनुसार महानगरभित्र रहेका सबै सार्वजनिक, सामुदायिक र संस्थागत विद्यालयमा स्थानीय

उपत्यका विकास प्राधिकरण खारेज गर्न काठमाडौं महानगरको माग  

काठमाडौँ । काठमाडौं महानगरले काठमाडौँ उपत्यका विकास प्राधिकरण खारेजी गर्न माग गरेको छ । यही माघ ६ गते प्राधिकरणले काठमाडौँ महानगरलाई भवन निर्माणसँग सम्बन्धित मापदण्ड नेपाल सरकारको २०७२ असोज १३ मा


z