बजार अनुगमन : औषधि पसलमा लापर्वाही, किराना पसलमा म्याद गुज्रेका सामग्री

खरीबोट

भक्तपुर। भक्तपुरको विभिन्न औषधि पसलमा गरेको अनुगमनका क्रममा औषधि पसलले व्यापक लापरवाही गरेको पाइएको छ । 

भक्तपुर नगरपालिका, अनुगमन समितिका संयोजक एवं वडा नं ३ का वडाध्यक्ष राजकृष्ण गोराको नेतृत्वमा भक्तपुर अस्पताल, मानव अङ्ग, क्यान्सर अस्पताल रहेको दूधपाटी क्षेत्रमा सञ्चालित १० वटा औषधि पसलमा गरिएको अनुगमनका क्रममा औषधि पसल सञ्चालकले मानवीय स्वास्थ्यमाथि खेलबाड गर्दै लापर्वहीरुपमा पसल सञ्चालन गरेको पाइएको हो । 

अनुगमनका क्रममा सिद्धपोखरी क्लिनिक, डोलेश्वर फर्मा, अल्फाज मेडिकल हल, भक्तपुर अस्पतालको बीमाको औषधि दिने पसलसमेत दर्ता नगरी सञ्चालन गरेको पाइएको छ । 

दूधपाटीस्थित बोय्जु फार्मेसीले सिद्धपोखरी क्लिनिक दर्ता नगरी सञ्चालन गरेको, क्लिनिकमा आउने डाक्टरको नामावली बोर्ड नराखी सञ्चालन गरेको, औषधि पसलमा अनुमति प्राप्त व्यक्ति नबसेको पाइएको अनुगमनमा सहभागी बजार निरीक्षक रामकृष्ण प्रजापतिले जानकारी दिए । 

त्यस्तै प्राइम डेण्टल क्लिनिकमा औषधि पसलमा अनुमति प्राप्त व्यक्ति नबसेको, प्यान र भ्याटको बील प्रयोग नगरेको, उत्तम मेडिकल हलमा औषधि पसलमा अनुमतिप्राप्त व्यक्ति नबसेको, म्याद नाघेको औषधि राखेको, डोलेश्वर फर्माले गत वैशाख ३१ गते गरेको अनुगमनमा दर्ता नगरी सञ्चालन गरेको पाइएपछि तत्काल दर्ता गर्न निर्देशन दिएको निर्देशन अझैसम्म पालन नगरेको, एउटा नामको औषधिको बट्टामा अर्कै नामको औषधि राखेको पाइएको समितिले जनाएको छ । 

त्यस्तै अल्फाज मेडिकल हललाई पनि गत वैशाख ३१ गतेको अनुगमनमा दर्ता गर्न सुझाव दिए पनि अटेर गरी सञ्चालन गरेको, भक्तपुर अस्पतालको बीमाको औषधि वितरण गर्ने पसलमा नगरपालिकामा दर्ता नगरेको, बीमाको सबै औषधि उपलब्ध नभएको पाइएको छ । 

अनुगमन टोलीले औषधि बिक्री गर्ने अनुमति प्राप्त व्यक्तिले मात्रै औषधि बिक्री गर्न, तत्काल पसल दर्ता गर्न, म्याद गुज्रेको औषधि पसलबाट तत्काल हटाउन र मानवीय स्वास्थ्यसँग खेलबाड नगर्न औषधि पसल सञ्चालकलाई निर्देशनसमेत दिएको छ । 

त्यसैगरी दूधपाटी क्षेत्रमा सञ्चालित विभिन्न पसलको अनुगमन गर्दा कृष्णश्वरी प्रधानको स्टेशनरी पसल, अविश्वर अधिकारीको तन्दुरी पसल, रमेश मानन्धरको लक्ष्मी प्लाइउड, विना ध्वजूको किराना पसल, धर्मेन्द्र ठाकुरको सैलुन, सृष्टि न्याइच्याइको किराना, इन्द्रप्रसाद पोखरेलको चिया पसल र रवीन बाटीको दही पसल दर्ता नगरी सञ्चालन गरेको पाइएको छ । 

यसैगरी स्वस्तिरा जनरल स्टोरमा म्याद नाघेको सामान पीठो, गु्दपाक सात बट्टा, क्याडबरी कोका सात बट्टा, हर्लिक्स तीन पाकेट, बेसन तीन पाकेट, पापाया वास एक वटा र काजु एक पाकेट जफत गरेको जानकारी दिँदै प्रजापतिले पसलमा दर्ता प्रमाणपत्र राख्न, प्याकेजिङ सामानमा लेबल र मूल्यसूची राख्न निर्देशन दिएको बताए । 

त्यस्तै कर्नर स्टोरमा म्याद नाघेको सामान बटर बिस्कुट पाँच पाकेट, सानो स्लाइस एक वटा र रियल बस्र्ट मिक्स फ्रट एक जफत गर्नुका साथै पसल नवीकरण गर्न, मूल्यसूची र दर्ता प्रमाणपत्र देखिने गरी राख्न पनि समितिले निर्देशन दिएको छ । 

दर्ता नवीकरण नगरी सञ्चालित जिके किराना स्टोरमा बिग्रेको सामान लेकर एक, बिटानिया एक, लेयज एक र चिजस्टि एक तथा तःपुखु सेन्टर किराना पसलमा म्याद नाघेको चाउमिन जफत गरी पसल दर्ता नवीकरण गर्न निर्देशन दिएको छ । 

अनुगमनमा दीपक स्टोरलाई पसल दर्ता नवीकरण गर्न, प्याकेजिङ सामानमा लेबल राख्न, मूल्यसूची राख्न निर्देशन दिनुका साथै न्यू नःपुखु मिनिस्टोरमा म्याद नाघेको सामान स्विट कर्न १३ बट्टा, ओरेञ्ज ट्याङ पाँच पाकेट, लेयज दुई पाकेट र जेरोज चिप एक पाकेट जफत गरी प्याकेजिङ सामानमा लेबल राख्न निर्देशन दिएको छ । 

अनुगमन टोलीमा समितिका सदस्य रोशनमैयाँ सुवाल, नगरपालिका स्यानिटेशका निरीक्षक दिलीपकुमार सुवाल, निरीक्षक रामकृष्ण प्रजापति, राष्ट्रिय उपभोक्ता मञ्चका लक्ष्मी भण्डारी, प्रहरी रामशरण तामाङ, जनस्वास्थ्यका जमुना काफ्ले, जिल्ला प्रशासन कार्यालयका प्रतिनिधि, भक्तपुर उद्योग वाणिज्य सङ्घका प्रतिनिधिको सहभागिता थियो ।

सम्बन्धित समाचार

राष्ट्रिय गौरवका २१ आयोजनाको अनुगमन गर्न १३ सांसदलाई जिम्मेवारी

काठमाडौँ । राष्ट्रिय सभाको राष्ट्रिय सरोकार तथा समन्वय समितिले राष्ट्रिय गौरवका आयोजनाहरूमा समन्वय तथा अनुगमन गरी वास्तविक अवस्था पत्ता लगाउन १३ जना सांसदलाई जिम्मेवारी तोकेको छ । समितिको सोमबार सिंहदरबारमा

स्ववियु निर्वाचनका लागि ‘अनुगमन तथा समन्वय’ समिति

काठमाडौँ । त्रिभुवन विश्वविद्यालय (त्रिवि)ले स्वतन्त्र विद्यार्थी युनियन (स्ववियु)को निर्वाचनका लागि शिक्षाध्यक्ष डा सुधा त्रिपाठीको संयोजकत्वमा ‘स्ववियु निर्वाचन केन्द्रीय अनुगमन तथा समन्वय’ समिति गठन गरेको छ ।  आज बसेको त्रिवि पदाधिकारीको

अवैध मासुजन्य पदार्थको अनुगमन गर्न कार्यदल गठन

काठमाडौँ । काठमाण्डौं, भक्तपुर, ललितपुर तथा काभ्रे जिल्लाका दाना उद्यमीहरु, ह्याचरीउद्यमीहरु, कुखुरा पालक किसानहरु, कोल्डस्टोर व्यवसायीहरु तथा चल्ला दाना वितरकहरुको संयूक्त भेलाले भारतबाट भित्रिएका अवैध मासुजन्य पदार्थको अनुगमन गर्न कार्यदल

फोहोर व्यवस्थापन स्थल सिसडोलको अनुगमन 

काठमाडौं । मंगलबार महानगरको वातावरण व्यवस्थापन समितिका पदाधिकारीले वातावरण व्यवस्थापन बिभागका अधिकारीसहित फोहोरको अन्तिम व्यवस्थापन कार्यको अवलोकन गरेका छन् ।  उपत्यकाबाट उत्पादन भएको फोहोर ढुवानी, ल्याण्डफिल्ड साइटमा पुर्याउदाको अवस्था, साइटको व्यवस्थापन,


z