नेपाल सरकार र अमेरिकाद्वारा रामेछापमा पुनर्निर्मित विद्यालय भवनको हस्तान्तरण

खरीबोट

रामेछाप। नेपालका लागि अमेरिकी राजदूत र्‍यान्डी बेरीले राष्ट्रिय पुनर्निर्माण प्राधिकरण, शिक्षा मन्त्रालय र एशियाली विकास बैंकसँगको सहकार्यमा रामेछाप जिल्लाको गौरीशंकर माध्यमिक विद्यालय भवन हस्तान्तरण गरेका छन् । 

यो विद्यालय २०७२ सालको भूकम्पमा नराम्ररी क्षतिग्रस्त भएको थियो । अमेरिकी अन्तर्राष्ट्रिय विकास नियोगको सहयोगमा पुनर्निर्माण भइरहेका २९ नयाँ विद्यालयमध्ये सबभन्दा पहिले निर्माण सम्पन्न विद्यालय पनि यही हो ।

हस्तान्तरण समारोहमा राजदूत बेरीले भने, “अमेरिकी सरकार नेपाल सरकार र यहाँका जनतासँग मिलेर सुरक्षित नयाँ विद्यालय बनाउन पाउँदा हामी गौरवान्वित भएका छौं । स्वस्थ र सुशिक्षित मुलुक, २०७२ को भूकम्पले थोपरेको कहरलाई पन्साएर आत्मनिर्भरताको यात्रामा सहज अगाडि बढ्न सक्छ ।”

नेपाल सरकार र अन्य विकास साझेदारहरूसँगको परामर्शमा अमेरिकी सरकारले सामुदायिक संरचनाहरू, खासगरी विद्यालय र स्वास्थ्य संस्थाको पुनर्निर्माणलाई प्रथमिकता दिएको छ किनभने शिक्षा र स्वास्थ्य समाज विकासको महत्वपूर्ण अंग हुन् । यससँगसँगै २०७२ को भूकम्पपछि विकासको गतिलाई अवरुद्ध हुन नदिन पनि शिक्षा र स्वास्थ्यलाई प्रथमिकता दिन आवश्यक छ । 

अनुसन्धानहरूले देखाए अनुसार माध्यमिक तहको शिक्षाले छात्राहरूलाई तिनको जीवनमा तिनले उत्तीर्ण गरेका प्रतिकक्षा २५ प्रतिशतका दरले अधिक ज्याला पाउने सम्भावना बढाउँछ । त्यति मात्रै होइन शिक्षाले महिला र तिनको परिवारको स्वास्थ्य अवस्थामा अचम्मैको सकारात्मक लहर ल्याउँछ । त्यसरी नै नेपालको आर्थिक समृद्धिका लागि स्वस्थ जनशक्ति तयार पार्न स्वास्थ्यमा आम मानिसको पहुँच आवश्यक छ । नेपालको शिक्षा र स्वास्थ्यको क्षेत्रमा सहयोग गर्न अमेरिकी अन्तर्राष्ट्रिय विकास नियोग हाल भूकम्प प्रभावित क्षेत्रका जम्मा ३६ वटा विद्यालय र स्वास्थ्य संस्थाको पुनर्निर्माणमा व्यस्त छ ।

२०७२ को भूकम्प पश्चात त्यसबाट प्रभावितहरूको उद्धार र सहयोगमा अमेरिकी सरकारले १९ करोड अमेरिकी डलरभन्दा बढी लगानी गरिसकेको छ । यस कोषबाट ४३ हजार घरपरिवारलाई आधुनिक तथा सुरक्षित घर पुनर्निर्माणमा सहयोग गरेको छ ।  त्यसरी नै १५ हजार इञ्जिनियर, निर्माण व्यवसायी, निर्माण प्राविधिक, डकर्मी र सिकर्मीहरूलाई भूकम्प प्रतिरोधी निर्माण प्रविधिसम्बन्धी तालिम प्रदान गरेको छ ।

त्यसरी नै एक हजार अस्थायी सिकाइ केन्द्रहरू, २५० संक्रमणकालीन सिकाइ केन्द्रहरूको पुनर्निर्माण गरेको छ । त्यस्तै जोखिममा परेका ९७ हजार विद्यार्थीलाई विद्यालय शिक्षा सुचारु राख्न सकून् भनेर अत्यावश्यक सामग्रीहरू प्रदान गरिएको छ ।

सम्बन्धित समाचार

कोपा अमेरिका खेल्ने अर्जेन्टिनी टिमको घोषणा, आइकार्डी टिममा परेनन्

काठमाडौँ । आगामी जुन १४ देखि जुलाई ७ सम्म ब्राजिलमा हुने कोपा अमेरिका फुटबल प्रतियोगिताको लागि अर्जेन्टिनाले २३ सदस्सीय राष्ट्रिय फुटबल टिमको घोषणा गरेको छ । अर्जेन्टिनाका म्यानेजर लिओनेल स्कालोनीले अर्जेन्टिनी

‘यही अवस्थामा’ अमेरिकासँग वार्ताको सम्भावना छैन : रौहानी

तेहरान । इरानका राष्ट्रपति हसन रौहानी वर्तमान् राजनीतिक अवस्थामा संयुक्त राज्य अमेरिकासँग वार्ता हुनसक्ने सम्भावना नरहेको बताएको तस्निम न्यूज एजेन्सीले मङ्गलबार बताएको छ । अमेरिकासँगको विवादास्पद बिषयमा इरानी कूटनीतिक पहल जारी

सुदूरपश्चिम विश्वविद्यालयका सबै क्याम्पसका प्रमुखको कार्यकक्षमा तालाबन्दी

लम्की । सुदूरपश्चिम विश्वविद्यालयअन्तर्गतका क्याम्पसमा प्राध्यापक र कर्मचारीले सबै क्याम्पसका प्रमुखको कार्यकक्षमा आज तालाबन्दी गरेका छन् । विश्वविद्यालयअन्तर्गतका शिक्षक कर्मचारीले आफूहरुले तलबभत्ता नपाएको भन्दै तालाबन्दी गरेका हुन् । सरकारको निर्णयानुसार समायोजन गरेका

कृषि विश्वविद्यालयका डिनलाई कालोमोसो दल्ने ६ विद्यार्थी पक्राउ

चितवन । प्रहरीले चितवनले कृषि तथा वन विज्ञान विश्वविद्यालय रामपुरका कृषि सङ्कायका सहायक डिन प्रा विष्णुराज ओझालाई कालोमोसो दल्ने छ विद्यार्थीलाई पक्राउ गरेको छ । उनीहरुलाई आज रामपुर क्याम्पस परिसरबाट


z