- २०८१ बैशाख ७ शुक्रबार
काठमाडौं । सहरी विकासमन्त्री मोहम्मद इस्तियाक राईले प्लाष्टिक मुक्त शहर बनाउन सवैको हातेमालो जरुरी रहेको बताएका छन् ।
स्टेम फाउण्डेसन नेपाल नामक संस्थाले राजधानीको टुडीखेलमा आयोजना गरेको कार्यक्रममा बोल्दै मन्त्री राईले बढ्दो प्लाष्टिकको प्रयोगका कारण वातावरणीय सन्तुलन बिग्रिने खतरण रहेको उल्लेख गरे ।
प्रयोग गरेर फालिएका एक लाख प्लाष्टिकको झोलाबाट मृत सागरको आकारको नक्सा बनाएर विश्व कीर्तिमान राखी प्लाष्टिकको प्रयोगविरुद्ध सचेतना फैलाउने उद्देश्यले सो फाउण्डेसनले उक्त कार्यक्रमको आयोजना गरेकोे हो । कार्यक्रममा मन्त्री राईले बढ्दो वातावरणीय प्रदुषणलाई मध्यनजर गर्दै प्लाष्टिकका झोलाको प्रयोग रोक्न सरकारले अधिकतम प्रयास गरेपनि सबैको सहयोगविना त्यसले मूर्तरुप पाउन नसकेको बताए ।
मन्त्री राईले भने, संसारमा एउटा मृत सागर छ, जहा« कुनै पनि जीवजस्तुको अस्तित्व छैन, यदी हामीले यसैगरी प्लाष्टिकको प्रयोगलाई बढावा दिऔ भने थप मृतसागर बन्ने खतरा छ, त्यसैले आजैबाट प्लाष्टिकको प्रयोग रोक्न अघि सरौ ।
उनले प्लाष्टिकजन्य फोहोरव्यवस्थापनका लागि सरकारले विशेष कार्यक्रम ल्याउन लागेको जानकारी समेत दिए ।
