काठमाडौं । शैली थिएटरले रुसी साहित्यकार एन्टन चेखोभको एकांकी नाटक “विवाहको प्रस्ताव“ (द म्यारिएज प्रपोजल) मन्चन गरेको छ ।
पहिलो चरणमा, रुसी सांस्कृतिक केन्द्रमा बुधबार र बिहीबार मन्चन भएको यो नाटक केही दिनको विश्राम पछि पुनः देखाइने थिएटरले जनाएको छ । बिहेसँग जोडिएको सरल कथावस्तुलाई चेखोभको यस नाटकले हास्यास्पद अवस्था सृजना गरी सामाजिक चालचलनलाई व्यंग्य गरेको छ ।
सेटमार्फत दृश्यमा देखाइएको वातावरण र भेषभुषाले रुसको झझल्को दिने यस नाटकमा निर्देशकले संगीत र प्रकाशको सुहाउँदो प्रयोग गरेको पाइन्छ । करिब एक घण्टा लामो यस नाटकलाइ तीनजनाप्रभावकारी कलाकारको स्वाभाविक अभिनय देख्न सकिन्छ ।
एन्टोन चेखोबको यस कृतिलाई सबिन न्यौपानेले नेपालीमा अनुवाद गरेका हुन् । देवेन्द्र बब्लुले नवराज बुढाथोकीलाई निर्देशनमा सहयोग गरेको यस नाटकमा लाइभ म्युजिकबाट अमनमाली, सुजन माली र सुशील मालीले कलाकारको अभिनयलाई अझ आकर्षक बनाएका थिए ।
सौरभ ढकालले प्रकाशको संयोजन र परिचालन गरेका हुन् ।