- २०८१ बैशाख ८ शनिबार
काठमाडौँ। अस्ट्रेलिया भ्रमण रहेको भारतीय क्रिकेट टिमले पहिलो टेस्टको तेस्रो दिनको खेल सकिदा १६६ रनको अग्रता लिएको छ। पहिलो इनिङ्गमा १५ रनको अग्रता पाएको भारतले तेस्रो दिनको खेल सकिदा ३ विकेट गुमाएर १५१ रन बनाएको हो।
दोस्रो इनिङ्गमा भारतका लागि केएल राहुलले ४४ रन बनाए भने कप्तान विराट कोहलीले ३४ तथा मुरली विजयले १८ रन बनाए। त्यस्तै पहिलो इनिङ्गमा शतकीय पारी खेलेका चैतेस्वर पुजारा ४० रन बनाएर खेलिरहेका छन् भने उनलाई आजिख्य रहानेले एक रन बनाएर साथ दिएका छन्। त्यस्तै अस्ट्रेलियाका बलर मिचेल स्ट्रक, नाथन लियोन र जोश हजेलवूडले एक एक विकेट लिएका छन्।
यसअघि तेस्रो दिनको लन्चसम्म अस्ट्रेलियालाई २३५ रनमा अल आउट गर्दै पहिलो इनिङ्गमा १५ रनको अग्रता लिएको थियो। भारतीय बलरहरुले उत्कृष्ट प्रदर्शन गर्दै अस्ट्रेलियाविरुद्ध १५ रनको अग्रता लिन सफल भएका थिए ।
अस्ट्रेलियाका लागि पहिलो इनिङ्गमा ट्राभीज हेडले सर्वाधिक ७४ रन बनाएर आउट भए भने नाथन नियोनले अविजित २४ रनको योगदान गरे। पहिलो इनिङ्गमा अस्ट्रेलियाका लागि पिटर ह्यान्ड्सकम्बले ३४ रन बनाए। उस्मान ख्वाजाले २८ तथा मार्कस ह्यारिसले २६ रनको योगदान दिएका थिए ।
अस्ट्रेलियाविरुद्ध कसिलो बलिङ्ग गर्दै भारतीय बलर जसप्रित बुम्राह र आर आश्विनले ३-३ विकेट लिए भने इशान्त शर्मा र मोहमद सामीले २-२ विकेट लिएका थिए।
यसअघि दोस्रो दिन दोस्रो दिन अस्ट्रेलियाले ७ विकेट गुमाएर १९१ रन बनाएको थियो । दोस्रो दिनको खेल भारतीय बलरहरुले आफ्नो नियन्त्रणमा लिएका थिए ।
त्यस्तै टेस्टको पहिलो दिन टस जितेर पहिला ब्याटिंग गरेको भारतले खराब सुरुवात गरेको थियो। भारतका सुरुका ब्याट्सम्यानहरु सस्तैमा आउट भएपछि चैतेश्वर पुजाराले शतकीय पारी खेलेर भारतलाई सम्मानजनक अवस्थामा पुर्याएका छन्। पुजारा १२३ रन बनाएर रन आउट भएपछि खेल सकिएको थियो।
भारतका लागि रोहित शर्माले ३७ रन बनाए भने रिषव पन्त र आर आश्विनले २५-२५ रनको योगदान गरेका थिए। भारतका ओपनर केएल राहुल २ रन र मुरली विजय ११ रन बनाएर आउट भएका थिए। त्यस्तै कप्तान विराट कोहली पनि केवल ३ रन बनाएर आउट भएपछि भारतीय टिम संकटमा परेको थियो।
भारतलाई रोक्न अस्ट्रेलियाका बलरले उत्कृष्ट बलिङ्ग गरेका थिए। अस्ट्रेलियाका लागि मिचेल स्ट्राक, जोश हजेलवूड, पट कमिन्स र नाथन लिओनले २-२ विकेट लिएका थिए।
