इपिएलको पहिलो खेलमा करन केसीले विराटनगरलाई जिताए 

खरीबोट

काठमाडौँ।  इपिएलको पहिलो खेलमा विराटनगर वारियर्सले ललितपुर प्याट्रीयट्सलाई ३ विकेटले पराजित गरेको छ। ललितपुरले दिएको १०५ रनको लक्ष्य पछाएको विराटनगरले १९.५ ओभरमा ७ विकेट गुमाउदै लक्ष्य पुरा गरेको हो। 
 
विराटनगरको लागि करन केसीले सर्वाधिक अविजित ३६ रन बनाएका थिए भने मोहमद आरिफ सेखले १९ रन बनाए। करन केसीले १९ बलमा ३६ रनको उत्कृष्ट खेल खेलेका थिए। विराटनगरका लागि अन्य ब्याट्सम्यानले दोहोरो अंकमा रन बनाउन असफल भएका थिए। कप्तान पारस खड्का ८ रन बनाएर आउट भएका थिए भने पउल भान मीकेरेनले अविजित  रन बनाएका थिए।  

ललितपुरका स्पिनरले उत्कृष्ट बलिङ्ग गरेपनि खेलको अन्त्यमा करन केसीलाई रोक्न नसक्दा खेल हार्न पुगेका थिए । ललितपुरका लागि गौरव तोमारले ३ विकेट लिएका थिए । गौरवले ४ ओभरमा १० रन दिएर ३ विकेट लिएका थिए। त्यस्तै सन्दीप लामिछानेले ४ ओभरमा ११ रन दिएर २ विकेट लिएका थिए। त्यस्तै ललित राजबंशीले एक विकेट लिएका थिए।     

यसअघि किर्तिपुरस्थित क्रिकेट मैदानमा सुरु भएको खेलमा ललितपुरले टस जितेर पहिला ब्याटिंग गर्दै निर्धारित २० ओभरमा ९ विकेट गुमाएर १०४ रन बनाएको थियो।  
 
ललितपुरका लागि कप्तान ज्ञान्नेद्र मल्लले सर्वाधिक ४९ रन बनाएर आउट भएका थिए। ज्ञान्नेद्र ५२ बलमा ४९ रन बनाएर आउट भएका थिए। त्यस्तै भारतीय खेलाडी सन्नी पटेलले २० रन बनाएका थिए। त्यस्तै पवन सराफले १४ रन बनाए भने जयकिसन कोसलावाला, सन्दीप जोरा र गौरव तोमार ४-४ रन बनाएर आउट भएका थिए।

त्यस्तै ललितपुरका कुशल भुर्तेल र योगेन्द्रसिंह कार्की शुन्य रनमा आउट भएका थिए । रसिद खानले अविजित ५ रन बनाएका थिए भने सन्दीप लामिछाने रन नबनाई रन आउट भएका थिए। 

विराटनगर वारियर्सका बलर रे भान डेर मार्वे र करन केसीले २-२ विकेट लिए भने कप्तान पारस खड्का, बसन्त रेग्मी र समित पटेलले एक एक विकेट लिएका थिए। 

सम्बन्धित समाचार

चुनावका बावजुत आइपिएल भारतमा नै हुने 

काठमाडौं । बहुचर्चित इन्डियन प्रिमियर लिग (आइपिएल) को १२औ संस्करण भारतमै हुने भएको छ । भारतीय क्रिकेट कन्ट्रोल बोर्डले मंगलबार जारकारी दिदै आइपिएलको १२औ संस्करण भारतमै हुने जानकारी दिएको हो

भैरहवालाई पराजित गर्दै इपिएलको उपाधि ललितपुरले जित्यो 

काठमाडौँ। एभरेष्ट प्रिमियर लिग (इपिएल) को फाइनल खेलमा ललितपुर प्याट्रीयटसले भैरहवा ग्लाडियटर्सलाई १४ रनले पराजित गर्दै इपिएलको उपाधि जितेको छ। ललितपुरले दिएको १५६ रनको लक्ष्य पछाएको भैरहवाले २० ओभरमा ९

इपिएलमा विदेशी खेलाडीको दबदबा, कसले कस्तो प्रदर्शन गरे ?

काठमाडौँ। गत डिसेम्बर ८ देखि सुरु भएको एभरेष्ट प्रिमियर लिग सकिएको छ। इपिएलको नयाँ च्याम्पियन ललितपुर प्याट्रीयटस बनेको छ। गत बर्षको च्याम्पियन विराटनगर वारियार्स प्लेअफमा पुग्न नसकी बाहिरएपछि इपिएलको नयाँ च्याम्पियन ललितपुर प्याट्रीयटस बनेको

इपिएल फाइनल : ललितपुरद्वारा भैरहवालाई १५६ रनको चुनौती  

काठमाडौँ। एभरेष्ट प्रिमियर लिग (इपिएल) को फाइनल खेलमा ललितपुर प्याट्रीयटसले भैरहवा ग्लाडियटर्सलाई १५६ रनको लक्ष्य दिएको छ।  टस हारेर पहिला ब्याटिंग गरेको लालितपुरले १९.१ ओभरमा सबै विकेट गुमाउदै १५५ रन बनाएको हो ।  ललितपुरले


z