काठमाडौँ। एभेरेष्ट प्रिमियर लिग (इपिएल) अन्तर्गत आजको दोस्रो खेलमा पोखरा राइनोजले ललितपुर प्याट्रीयटर्सलाई १६७ रनको लक्ष्य दिएको छ। पोखराले टस जितेर पहिला ब्याटिंग गर्दै २० ओभरमा ४ विकेट गुमाएर १६६ रन बनाएको छ।
पोखराका लागि रिचार्ड लेभीले सर्वाधिक ८४ रन बनाए। ३९ बलमा ८४ रन बनाएका लेभीले ९ छक्का र ३ चौका हानेका थिए। लेभीले पहिलो खेलमा लेभीले भैरहवाविरुद्ध पनि ७९ रन बनाएका थिए। पोखराका लागि विनोद भण्डारीले अविजित ३४ रन बनाएका थिए। बिनोदले २३ बलमा एक छक्का र ३ चौका हान्दै ३४ रन बनाएका थिए।
त्यस्तै किल कोत्जरले १९ तथा पाउल कोघलिनले १४ रन बनाएका थिए।
ललितपुरका लागि पवन सराफले ३ विकेट लिएका थिए। पवनले ४ ओभरमा ३१ रन दिएर ३ विकेट लिएका थिए।
अब ललितपुरले केहीबेरमा जवाफी ब्याटिंग गर्दै छ।
प्रतियोगितामा ललितपुरले यसअघि २ खेलमा एक जित र एक हार बेहोरेको छ भने पोखराले एक खेलमा जित हासिल गरेको छ।