- २०८१ बैशाख ८ शनिबार
काठमाडौँ। भारतीय क्रिकेट टिमका कप्तान विराट कोहलीले टेस्ट क्रिकेटमा आफ्नो २५औ शतक बनाएका छन् । हाल जारी अस्ट्रेलियाविरुद्धको दोस्रो टेस्टको तेस्रो दिन विराटले शतकीय पारी खेल्दै भारतलाई राम्रो स्थितिमा पुर्याएका हुन् ।
विराटले आफ्नो पारीमा २१६ बलको सामना गर्दै ११ चौका हानेर शतक पुरा गरेका थिए । विराटको यस बर्ष टेस्ट क्रिकेटमा यो पाचौ शतक हो। त्यस्तै विराटको अष्ट्रेलियाविरुद्ध भने यो सातौ टेस्ट शतक बनाएका छन्। विराटले श्रीलंका र इङल्याण्डविरुद्ध ५-५ शतक हानेका छन् त्यस्तै न्युजील्याण्डविरुद्ध ३, दक्षिण अफ्रीका र वेस्टइन्डिजविरुद्ध २-२ टेस्ट शतक बनाएका छन्। त्यस्तै एक शतक बंगलादेशविरुद्ध बनाएका छन्।
विराटले अहिलेसम्म यो टेस्टसहित ७४ टेस्ट क्रिकेटमा २५ शतक र १९ अर्धशतक सहित ६ हजार ४ सय ६८ रन बनाएका छन् ।
यो समाचार तयार गरुन्जेल भारतले ४ विकेट गुमाएर २१४ रन बनाएको छ भने अस्ट्रेलियासँग पहिलो पारीमा ११२ रनले पछाडी रहेको छ ।
