काठमाडौँ। क्रिकेटर सागर पुनको खुट्टामा चोट लागेपछि शल्यक्रिया गरिएको छ ।
काठमाडौंमा जारी एभरेष्ट प्रिमियर लिग (इपिएल) का दौरान उनको दाहिने खुट्टाको एंकलमा चोट लागेको थियो । जसका कारण उनको शल्यक्रिया गरिएको छ । सागरको दाहिने खुट्टामा सल्यक्रिया पछि प्लास्टर लगाइएको छ ।
शल्यक्रियाका कारण सागरको चोट निको ६ देखि ७ महिना लाग्ने बताइएको छ भने सो अवधि भर मैदान बाहिर हुने भएका छन् ।
अलराउन्डर सागरले काठमाडौं किंग्सबाट एभेरेष्ट प्रिमियर लिग खेलेका थिए । सागर दोस्रो क्वालिफायरमा भैरहवा ग्लाडियटर्ससँगको खेलमा घाइते भएका थिए भने काठमाडौँले सो खेलमा हार बेहोरेर प्रतियोगिताबाट बाहिरिएको थियो।
इपिएलको यस सिजनमा सागरले ६ खेलमा १०९ रन बनाएका थिए भने केवल विकेट लिए ।