सौर्यमण्डलको बाहिरी भागमा मानवरहित यान, साढे ६ अर्ब किमि टाढाबाट पठायो तस्बिर  

खरीबोट

अमेरिकी अन्तरिक्ष संस्था नासाको अभियान न्यु होराइजन्सले सौर्यमण्डलको बाहिरी भागमा रहेको अल्टिमा टुली नामको आकाशीय पिण्डको नजिक पुगेर त्यसको तस्बिर पृथ्वीमा पठाएको छ । उक्त तस्बिर नासाको यानले पृथ्वीभन्दा साढे ६ अर्ब किलोमिटर टाढाबाट पठाएको हो । 

योसँगै नासाको यो मिसन सौर्यमण्डलको सबैभन्दा टाढासम्म पुग्ने मिसन बनेको छ । न्यु होराइजन्स नामको रोबोटिक स्पेसक्राफ्टले उक्त अल्टिमा टुलीको नजिक पुगेर धेरै तस्बिर र महत्वपूर्ण तथ्य संकलन गर्न सफल भएको वैज्ञानिकहरुको भनाइ छ । 

यो यानले अब  जानकारीमा आउने कुराहरु आगामी केही समयसम्म पृथ्वीमा निरन्तर रुपमा पठाउनेछ । उसले रेडियो सन्देश पनि पृथ्वीमा पठाएको छ । जसलाई स्पेनको म्याड्रिडमा राखिएको नासाको ठूलो एन्टेनाले खिच्न सफल भएको थियो । यो सन्देश पृथ्वीसम्म आइपुग्न ६ घण्टा ८ मिनेट लागेको थियो । 

संकेत रिसिभ भएसँगे मेरिल्याण्डमा रहेको जोन्स होप्किन्स युनिभर्सिटीको एप्लाइड फिजिक्स ल्याबोरेटोरीमा वैज्ञानिकहरुले उत्सव मनाएका थिए ।

उक्त पिण्ड अल्टिमा सौर्यमण्डलको काइपर बेल्ट भन्ने भागमा रहेको छ । यो बेल्ट जमेको पिण्डबाट बनेको छ जुन नवग्रहमध्येको वरुण (नेप्च्युन)बाट २ अर्ब किमि र यम (प्लु्टो)बाट डेढ अर्ब किमिको दूरीमा रहेको छ ।

यससँग सम्बद्ध वैज्ञानिकहरुले उक्त यान सुरक्षित रहेको पनि बताएका छन् । 

उक्त रेडियो सन्देशमा इन्जिनियरसँग सम्बन्धित जानकारी रहेको बताइएको छ । त्यस्तै तस्बिरहरु समेत प्राप्त भएको छ । जसले यान उपयुक्त अवस्थामा रहेर उक्त पिण्डको तस्बिर खिचेको पुष्टि हुन्छ । नत्रभने यानले पिण्डको नभएर अरु नै अन्तरिक्ष क्षेत्रको तस्बिर खिच्नसक्ने वैज्ञानिक मत छ । 

उक्त पिण्ड अल्टिमा सौर्यमण्डलको काइपर बेल्ट भन्ने भागमा रहेको छ । यो बेल्ट जमेको पिण्डबाट बनेको छ जुन नवग्रहमध्येको वरुण (नेप्च्युन)बाट २ अर्ब किमि र यम (प्लु्टो)बाट डेढ अर्ब किमिको दूरीमा रहेको छ । यो पिण्डले पनि सूर्यको परिक्रमा गर्छ । सन् २०१५ मा यो यान यम ग्रहको पनि नजिकै भएर गएको थियो । 

उक्त काइपर बेल्ट क्षेत्रमा अल्टिमा जस्तो हजारौँ पिण्डहरु रहेको मानिन्छ । यसकारण पनि आजभन्दा ४.६ अर्ब वर्ष पहिले यहाँको अवस्था कस्तो थियो होला भन्ने अनुमान गर्न सकिन्छ । 

उक्त यानमा १५ वाटको ट्रान्समिटर लगाइएको छ । जसले डाटा एकदम ढिलो गतिमा पृथ्वीसम्म आइपुगेको हो । आगामी २०२० सम्ममा उसले पठाएका सबै तथ्य र तस्बिर आइपुग्ने बताइएको छ ।

  • बीबीसीबाट 

सम्बन्धित समाचार

सौर्यमण्डलको बाहिरी भागमा मानवरहित यान, साढे ६ अर्ब किमि टाढाबाट पठायो तस्बिर  

अमेरिकी अन्तरिक्ष संस्था नासाको अभियान न्यु होराइजन्सले सौर्यमण्डलको बाहिरी भागमा रहेको अल्टिमा टुली नामको आकाशीय पिण्डको नजिक पुगेर त्यसको तस्बिर पृथ्वीमा पठाएको छ । उक्त तस्बिर नासाको यानले पृथ्वीभन्दा साढे

उल्टो हावा चल्ने हाम्रो सौर्यमण्डलबाहिरको ग्रह फेला पर्‍यो !

खगोल । क्यानडाका खगोलशास्त्रीहरुले पृथ्वीदेखि ९३० प्रकाश वर्ष टाढा रहेको ग्यासयुक्त एक्सोप्लानेटमा महत्वपूर्ण स्थानको खोजी गरेका छन् । यो खोजले हाम्रो सौर्यमण्डलदेखि बाहिर पाइने यस्ता ग्रहहरुप्रति वैज्ञानिकको धारणालाई नै चुनौती दिने

नासा भन्छ — सौर्यमण्डलमा प्लानेट-९ अर्थात् नवौँ ग्रह पनि अस्तित्वमा छ

अमेरिका / नासाका वैज्ञानिकहरुले प्लानेट ९ अर्थात् सौर्यमण्डलमा रहेको नवौँ ग्रहको अस्तित्व स्वीकारेका छन् । उनीहरुका अनुसार प्लानेट ९ अवधारणालाई वास्तविक भनेका हुन् । उक्त ग्रह पृथ्वीको द्रव्यमानदेखि १० गुणा

पृथ्वीको सौर्यमण्डलमा कसरी आइपुग्यो 'एलियन कोमेट' ?

अमेरिका \ पृथ्वीको सौर्यमण्डलमा अज्ञात तारामण्डलबाट आएको 'तारा'ले भ्रमण गरेको वैज्ञानिकहरुले आशंका गरेका छन् । पृथ्वीभन्दा टाढाबाट सौर्यमण्डलमा अनियमित तवरबाट आफ्नै नक्षत्रमार्गमा कुनै तारा (कोमेट) अगाडि बढिरहेको देखिएपछि वैज्ञानिकहरुलाई यस


z