संसारमा ५जी इन्टरनेटको चर्चा चल्दै गर्दा ६जी रिसर्चमा चिनियाँ विज्ञहरु !

खरीबोट

काठमाडौं । प्रविधिमा फड्को मार्दै गरेको विश्वमा ५जी इन्टरनेट कसरी विस्तार गर्ने र कसरी द्रुतगतिमा इन्टरनेट चलाउने भनी विश्व अहिले यसको खोजीमा जुटिरहेको छ । ३जी, ४जीको सफलतासँगै ५जीलाई व्यवसायीकरण गर्न अमेरिकी, युरोपेलीहरु लागिरहेको बेला चिनियाँ विज्ञहरुले भने ६जीबारे रिसर्च सुरु गरेका छन् । 

सिन्ह्वालाई उद्धृत गर्दै ग्लोबल टाइम्सले लेखेको समाचारअनुसार पूर्वी चीनको जिआंग्सु प्रान्तमा बिहीबारबाट साउथइष्ट युनिभर्सिटीको एउटा टिमले ६जी मोबाइल नेटवर्कबारे अध्ययन, अनुसन्धान थालेको हो । ५जी प्रविधिमै आधारित भएर ६जीको खोजी सुरु गरिएको हो । 

६जीले धेरै फराकिलो क्षेत्रमा द्रुतगति र उच्च सुरक्षासहितको सेवा दिने विश्वास गरिएको छ । यदि ६जी सफल भए यसको गति १ टेट्राबाइट प्रतिसेकेन्डको हुनेछ । जुन भनेको ५जीभन्दा १ हजार गुणा द्रुततर (तीव्रतर) हो । 

युनिभर्सिटीका प्रोफेसर यु सिआहु उक्त टोलीका नेतृत्वकर्ता समेत हुन् । अनुसन्धानको सुरुवाती चरणमा मोबाइल सञ्चार, व्यापक ताररहित सञ्चार, मिलिमिटर वेभ, सबमिलिमिटर वेभ वाइरलेस कम्युनिकेसन, अप्टिकल वाइरलेस कम्युनिकेसन र ब्रोडब्याण्ड स्याटेलाइट मोबाइल कम्युनिकेसनबारे काम सुरु गरिनेछ । 

६जी प्रयोगमा ल्याउन धेरै समय लाग्ने भए पनि विज्ञहरुले भने २०३० सम्ममा यसले व्यावसायिक विस्तार गरिसक्ने अपेक्षा गरेका छन् । समाचारमा जनाइएअनुसार यसबारे तीव्र प्रतिस्पर्धा सुरु भइसकेको छ । 

सम्बन्धित समाचार

दुई दिन हिडेर फोन र इन्टरनेट !

जाजरकोट । मुड्केचुला गाउँपालिका–८ डोल्पा सर्मीका दीर्घ शाहीले पत्रकारिता गर्न थालेको अहिले आठ वर्ष नाघ्यो । उनी बस्ने गाउँमा इन्टरनेट त परै जाओस् फोनले समेत काम नगर्दा दिनदिनै समस्या भोग्दै

क्लासिक टेकको बुलेट-जी इन्टरनेट प्लान सार्वजनिक  

काठमाडौँ । ईन्टरनेट सेवा प्रदान गर्ने कम्पनी क्लासिक टेकले ईन्टरनेटको बढ्दो गतिको मागलाई ध्यानमा राख्दै यस कम्पनीले बजारमा ४०, ५० तथा ६५ एमबीपीएसका प्लानहरु बजारमा ल्याएको छ ।  यस कम्पनीले ४०

सरकारद्वारा पब्जी खेलमा प्रतिबन्ध, के हो पब्जी खेल ? 

काठमाडौँ । सरकारले नेपालमा इन्टरनेटबाट खेलिने अहिलेको चर्चित खेल पब्जी खेलमाथि प्रतिबन्ध लगाएको छ । नेपाल दूरञ्चार प्राधिकरणका सूचना अधिकारी तथा उपनिर्देशक सन्दिप अधिकारीले खरीबोटसँग कुरा गर्दै पब्जी बन्द गर्न सर्कुलर

भारतको मोबाइल इन्टरनेट डाटा संसारकै सबैभन्दा सस्तो,  नेपाल ४५औं स्थानमा

भारतको मोबाइल इन्टरनेट डाटाको मूल्य संसारकै सबैभन्दा सस्तो भएको एक अध्यनले देखाएको छ । वेलायतको केबल डट को डट युकेले संसारका २३० देशहरूका ६३१३ डाटा प्लानहरूको अध्यन गरेर भारतमा उपलब्ध


z