काठमाडौँ । लिग कपको सेमिफाइनलको पहिलो लिगमा टोटनह्यामले चेल्सीलाई १-० ले पराजित गरेको छ ।
गएराती भएको खेलमा टोटनह्यामका लागि ह्यारी केनले खेलको एक मात्र गोल गर्दै चेल्सीमाथि १-० को जित हासिल गर्दै पहिलो लिगमा १-० को अग्रता बनाउन सफल भएका छन् ।
केनले खेलको २६औ मिनेटमा पेनाल्टीबाट गोल गरेका थिए । यो हारसँगै चेल्सीले विम्बली मैदानमा टोटनह्यामसँग खेलेका आफ्ना पछिल्ला तीन खेलमा हार बेहोरेको छ ।
टोटनह्यामले अब अर्को खेल आगामी आइतबार प्रिमियर लिग अन्तर्गत म्यानचेस्टर युनाइटेडसँग खेल्दै छ भने चेल्सीले न्युक्यासलसँग खेल्दै छ ।