गर्भ रोक्न पुरुषको शरीरमा स्विच !  

खरीबोट

काठमाडौँ । यौन सम्पर्कको समयमा यदि अनिच्छित गर्भबाट बच्न चाहने हो भने महिलाको लागि विभिन्न उपायहरु उपलब्ध छन् । उनीहरुको लागि त फिमेल कन्डमदेखि गर्भनिरोधक औषधिसम्म बजारमा सहजै पाइन्छन् । तर, पुरुषको कुरा गर्ने हो भने उनीहरुसँग केवल एउटै उपाय छ, त्यो हो कन्डम ।

कन्डमको प्रयोग गर्दा पूर्ण यौन सन्तुष्टि प्राप्त नहुने कतिपय पुरुषको मान्यता छ । यदि कन्डमको प्रयोग नगर्ने हो भने अनिच्छित गर्भ रहने सम्भावना रहन्छ । यस्तोमा कन्डमको प्रयोग पुरुषको लागि बाध्यता हो भन्ने बुझ्न सकिन्छ । 

त्यसैले यो समस्याको समाधानका लागि विश्वभर वैज्ञानिक खोज तथा अनुसन्धानहरु भइरहेका छन् । यसको हल अहिलेसम्म मिलिसकेको त छैन । तथापि, शीघ्र यस समस्याको समाधान हुने केही शोधकर्ताले बताएका छन् । 

केही शोधकर्ताहरु पुरुषको लागि गर्भनिरोधक औषधि बनाउन लागि परेका छन् । यसमा हालसम्म कुनै सफलता प्राप्त नभए पनि केही समयमा यसको उपाय बजारमा पाइने शोधकर्ताहरुको मान्यता छ । 

अनुसन्धाताहरुका अनुसार पुरुषको शरीरमा एक डिभाइस लगाइनेछ । यो डिभाइसमा एक स्विच हुनेछ र यसको माध्यमले वीर्यलाई अन अथवा अफ गर्न सकिने बताइएको छ । यो स्विच वीर्यनलीलाई ब्लक गर्न र खोल्न समर्थ हुने शोधकर्ताहरुको धारणा छ । 

यदि यस्तो प्रविधि बजारमा आएमा यसले बिल गेट्स फाउन्डेसनलाई ठूलो झट्का लाग्नेछ । किनकि बिल गेट्सले आफ्नो फाउन्डेशनको माध्यमले पुरुषको गर्भनिरोधक औषधि निर्माणमा ठूलो रकम खर्च गरेका थिए । यद्यपि, यो अध्ययनले उनलाई राहत दिन पनि सक्छ । किनकि यस अध्ययनका अनुसार ८३ प्रतिशत पुरुषले यस्तो स्विचभन्दा गर्भनिरोधक औषधिमा आफ्नो विश्वास रहेको बताएका थिए ।
 

सम्बन्धित समाचार

च्याउ खाएर बिरामी परेकाको स्वास्थ्योपचार खर्च सरकारले बेहोर्ने

पाल्पा । पाल्पाको निस्दी गाउँपलिकामा च्याउ खाएकाहरुको उपचारमा लागेको खर्च सरकारले बेहोर्ने भएको छ । गत  जेठ २४ गते  निस्दी ३ सार्कीडाँडाका चार परिवारका ११ बिरामीमध्ये ६ जनाको ज्यान गएको

कार्यालय सहयोगीको भरमा पाल्पाका स्वास्थ्य संस्था

पाल्पा । यहाँको एक स्वास्थ्य संस्था कार्यालय सहयोगीको भरमा सञ्चालन हुँदै आएको छ । पाल्पा रामपुर नगरपालिका –१ स्थित गाडाकोट आयुर्वेदिक औषधालय कार्यालय सहयोगीको भरमा सञ्चालन हुँदै आएको हो । विगत

वैदेशिक रोजगारको स्वास्थ्य परीक्षणकालागि ५१ वटा संस्थाहरु सूचीकरण 

काठमाडौं । सरकारले वैदेशिक रोजगारमा जाने श्रमिकको स्वास्थ्य परीक्षणका लागि ५१ वटा स्वास्थ्य संस्थाहरु सूचीकरण गरेको छ । श्रम, रोजगार तथा सामाजिक सुरक्षा मन्त्रालयले सोमबार एक सूचना जारी गर्दै कामदारको स्वास्थ्य

मुख्यमन्त्रीको स्वास्थ्य अवस्था बुझ्न प्रधानमन्त्री ओली गङ्गालालमा

काठमाडौं । प्रधानमन्त्री केपी शर्मा ओलीले उपचाररत प्रदेश नं ३ का मुख्यमन्त्री डोरमणि पौडेलको स्वास्थ्य अवस्थाबारे जानकारी लिएका छन् । बाँसबारीस्थित शहीद गङ्गालाल राष्ट्रिय हृदयरोग निवारण केन्द्रमा आज बिहान पुगी उनले


z