पाँचथरमा मेडिकल कलेज स्थापनाका लागि सम्भाव्यता अध्ययन

खरीबोट

पाँचथर । पाँचथरमा मेडिकल कलेज स्थापनाका लागि सम्भाव्यता अध्ययन गरिएको छ । शिक्षा मन्त्रालयका उपसचिव विष्णु मिश्र सहितको टोलीले पाँचथरमा मेडिकल कलेज स्थापनाका लागि सम्भाव्यताको खोजी गरेको हो । सम्भाव्यताबारे जानकारी लिन जिल्ला प्रशासन कार्यालय पाँचथरको समन्वयमा फिदिममा सर्वपक्षीय बैठक सम्पन्न भएको छ ।

चिकित्सा शिक्षा क्षेत्रमा सुधारको माग गर्दै आन्दोलनरत त्रिवि शिक्षण अस्पतालका वरिष्ठ चिकित्सक प्रा डा गोविन्द केसीसँग सरकारले गरेको सहमतिबमोजिम पाँचथरको फिदिममा मेडिकल कलेज स्थापना गर्न उपयुक्त हुने निष्कर्ष निकालेको बैठकमा सहभागी नेपाल कम्युनिष्ट पार्टी (नेकपा) का प्रदेश कमिटीका सदस्य हर्कबहादुर नेम्वाङले बताए ।

बैठकपछि मेडिकल कलेज स्थापनाका लागि जिल्ला अस्पताल तथा फिदिम नगरपालिका वडा नं २ र ३ मा स्थलगत अवलोकन समेत गरिएको छ । सरकारले गत साउनमा पाँचथर–इलाम, डडेलधुरा–डोटी र उदयपुरमा सरकारी मेडिकल कलेज स्थापना गर्ने सम्बन्धमा सम्भाव्यता अध्ययन एक महीनाभित्र शुरु गरिसक्ने केसीसँग सहमति गरेको थियो ।

सोही सहमतिअनुसार मन्त्रालयको टोलीले सम्भाव्यता अध्ययन गरेको हो । पाँचथरसहित पूर्वी पहाडका ताप्लेजुङ, तेह्रथुम र इलामको केही भू–भागका गरी झण्डै छ लाख स्थानीयवासीले सेवा लिनसक्ने क्षेत्र भएकाले फिदिममा मेडिकल कलेज स्थापना गर्नु उपयुक्त हुने निष्कर्ष बैठकले निकालेको प्रमुख जिल्ला अधिकारी प्रकाशचन्द्र अधिकारीले बताए ।

मेडिकल कलेजका लागि आवश्यक भौतिक पूर्वाधार र जग्गाको व्यवस्था गर्न समेत जिल्ला सक्षम रहेकाले यसका लागि प्रक्रिया अघि बढाउन समेत सहभागीले माग गरेका थिए । सडकको पहुँचका हिसाबले अन्य जिल्ला तथा जिल्ला भित्रबाटै समेत फिदिम सहज रहेको उनीहरुको भनाइ थियो ।

सम्बन्धित समाचार

पाँचथर हत्याकाण्डमा बाँचेकी बालिका प्रदेश सरकारको जिम्मामा

फिदिम । गत जेठ ६ गते पाँचथरको मिक्लाजुङ गाउँपालिका– ३ आरुबोटेमा भएको सामूहिक हत्याकाण्डमा भागेर बाँच्न सफल भएकी बालिकाको सम्पूर्ण जिम्मेवारी प्रदेश सरकारले लिएको छ । उक्त घटनामा भागेर बाँचेकी १२

पाँचथर हत्या प्रकरण : मिक्लाजुङम गाउँपालिकामा मङ्गलबार शोक बिदा

पाँचथर । जिल्लाको मिक्लाजुङ गाउँपालिकामा मङ्गलबार शोक बिदा गरिने भएको छ । गाउँ कार्यपालिकाको बैठकले यही जेठ ६ गते मिक्लाजुङ–३, आरुबोटेमा हत्या भएका विद्यार्थी बालबालिकाको आत्माको चिरशान्तिको कामना गर्दै एक दिन

पाँचथरको हिलिहाङमा एक वृद्ध मृत फेला

फिदिम । पाँचथरको हिलिहाङ गाँउपालिकाका एक वृद्ध मृत फेला परेका छन् । हिलिहाङ गाउँपालिका–६ का ७० वर्षीय दलबहादुर योङहाङ आज मृत फेला परेका हुन् । शनिबार घरमा कसैलाई नभनी हिँडेका योङहाङको

पाँचथर हत्या प्रकरण : स्थलगत अनुसन्धान सकियो

पाँचथर । पाँचथरको मिक्लाजुङ गाँउपालिका–३ आरुबोटेमा भएको हत्याकाण्डको स्थलगत अनुसन्धान सकिएको छ । दुई घरमा नौ जनाको बीभत्स हत्याकाण्डको स्थलगत अनुसन्धान सकिएको पाँचथरका प्रहरी प्रमुख, प्रहरी नायब उपरीक्षक नरेन्द्र कुँवरले बताए


z