सरकारले तोक्यो नयाँ मर्यादाक्रम (सुची सहित)

खरीबोट

काठमाडौँ । सरकारले राष्ट्रपति, उपराष्ट्रपतिदेखि विभिन्न क्षेत्रका प्रतिष्ठित व्यक्तित्वहरूको नयाँ मर्यादाक्रम सार्वजनिक गरेको छ । 

मन्त्रिपरिषद्को बैठकले टुङ्गो लगाएपछि मर्यादाक्रमको सूची सरकारले सार्वजनिक गरेको हो। गत वर्ष माघ १५ मा राष्ट्रिय जीवनका विभिन्न क्षेत्रमा रहेका विशिष्टदेखि स्थानीय तहका पदाधिकारीहरुको मर्यादाक्रम हेरफेर गरेको हो ।

यसअघि मर्यादाक्रम तलमाथि परेको भन्दै प्रदेश तथा स्थानीय तहका जनप्रतिनिधिले गुनासो गर्दै आएका थिए । गत वर्ष सार्वजनिक मर्यादाक्रममा गाउँपालिका अध्यक्षलगायत स्थानीय तहका जनप्रतिनिधिहरुलाई नेपाली सेनाका अधिकृतभन्दा तल र नगरपालिकाका मेयरलाई सहसचिवभन्दा तल राखिएपछि विवाद उत्पन्न भएको थियो।

जसअनुसार पहिलो मर्यादाक्रममा राष्ट्रपति, दोस्रोमा उपराष्ट्रपति, तेस्रोमा प्रधानमन्त्री रहने छन् । यस्तै चौथो मर्यादाक्रममा प्रतिनिधिसभामा सभामुख, राष्ट्रियसभाका अध्यक्ष र प्रधानन्यायाधीश रहने छन् ।

यस्तै प्रदेश सरकारका मुख्यमन्त्री र केन्द्र सरकारका मन्त्रीको समान सातौ मर्यादा रहनेछ । मर्यादाक्रमको अन्तिम अर्थात २१औं वरियतामा प्रदेश सरकार तथा स्थानीय तहका राजपत्रंकित तृतीय श्रेणी वा सोसरहका अधिकृत र सहायक सेनानी रहने छन् ।

कसको मर्यादाक्रम कस्तो ?

१. राष्ट्रपति

२. उपराष्ट्रपति

३. प्रधानमन्त्री

४. प्रतिनिधि सभा सभामुख, राष्ट्रिय सभा अध्यक्ष, प्रधानन्यायाधीश

५. पूर्वराष्ट्रपति, पूर्वउपराष्ट्रपति, पूर्वप्रधानमन्त्री,  मन्त्रिपरिषद्को पूर्वअध्यक्ष

६. प्रदेश प्रमुख (आफ्नो प्रदेशभित्र)

७. नेपाल सरकारका मन्त्री , प्रदेश सरकारका मुख्यमन्त्री (आफ्नो प्रदेशभित्र), प्रदेश प्रमुख (आफ्नो प्रदेशभन्दा बाहिर), प्रतिनिधिसभाका विपक्षी दलका नेता, नेपाल रत्न पाउनेहरु, प्रदेश सरकारका मुख्यमन्त्री (आफ्नो प्रदेश बाहिर), पूर्व प्रधानन्याधीश, संविधानसभाका अध्यक्ष, प्रतिनिसभाका उपसभामुख, राष्ट्रियसभाका उपाध्यक्ष, सत्तापक्षको संसदीय दलका उपनेता, व्यवस्थापिका संसदका पूर्वसभामुख, प्रतिनिधिसभाका पूर्वसभामुख, राष्ट्रियसभाका पूर्व अध्यक्ष, सरकारका पूर्वउपप्रधानमन्त्री, सरकारका पूर्वमन्त्री ।

८. केन्द्रीय सरकारका राज्यमन्त्री, प्रतिनिधिसभाका मुख्य सचेतक(सत्ता पक्षको), प्रतिनिधिसभाका प्रमुख सचेतक – विपक्षी दलको), प्रतिनिधि सभाका विभिन्न समितिका सभापति, राष्ट्रिय सभाका विभिन्न समितिका सभापति,राष्ट्रिय योजना आयोगका उपाध्यक्ष, सर्वोच्च अदालतका न्यायाधीश, संवैधानिक निकायका प्रमुख, महान्यायाधिवक्ता,राष्ट्रियसभामा सत्तापक्षको नेता, राष्ट्रियसभामा सत्तापक्षको मुख्य सचेतक, राष्ट्रिसभामा विपक्षी दलको नेता, राष्ट्रियसभामा विपक्षी दलको प्रमुख सचेतक, प्रदेश सभाका सभामुख ।

९. केन्द्रीय सरकारका सहायक–मन्त्री, प्रदेश सरकारका मन्त्री, प्रतिनिधिसभाका सदस्य, राष्ट्रियसभाका सदस्य, प्रदेश सरकारका राज्यमन्त्री, प्रदेश सभाका उपसभामुख, प्रदेश सभाका विभिन्न समितिका सभापति, काठमाडौँ महानगरपालिकाका प्रमुख, संविधानसभाका सदस्य, पूर्व सांसद, सरकारका मुख्यसचिव, प्रधानसेनापति।

१०. प्रदेश सरकारका सहायक–मन्त्री, प्रदेश सभाका सचेतक, प्रदेशसभाका सदस्य, महानगरपालिकाका प्रमुख (काठमाडौँ महानगरपालिका बाहेक), जिल्ला समन्वय समितिका प्रमुख।

११ . संवैधानिक निकायका सदस्य तथा आयुक्त, न्यायपरिषद् सदस्य, राष्ट्रिय योजना आयोगका सदस्य, संघीय संसदका महासचिव, सर्वोच्च अदालतका मुख्य रष्ट्रिार, उच्च अदालतका मुख्यन्यायाधीश, नेपाल राष्ट्र बैंकका गभर्नर, प्रज्ञा प्रतिष्ठानका कुलपति, विश्वविद्यालयका उपकुलपति।

१२ . सचिव, प्रहरी प्रमुख, उपमहानगरका प्रमुख र काठमाडौंका उपमेयरको मर्यादाक्रम एउटै बनाइएको छ। सरकारका सचिव एवं विशिष्ठ श्रेणीका अधिकृत, राष्ट्र गौरव पाउने महानुभावहरु, नेपाली राजदूत, नेपालस्थित विदेशी राजदूत, सार्कका महासचिव, रथी, प्रहरी महानिरीक्षक, सशस्त्र प्रहरी महानिरीक्षक, मुख्य अनुसन्धान निर्देशक (राष्ट्रिय अनुसन्धान विभाग), सर्वोच्च अदालतका रजिष्ट्रार, नायव महान्यायाधिवक्ता, उपमहालेखापरीक्षक, प्रदेश सरकारका प्रमुख सचिव, प्रज्ञा प्रतिष्ठानका उपकुलपति, विश्विद्यालयका प्राध्यापक, उपमहानगरपालिकाका प्रमुख र काठमाडौँ महानगरपालिकाका उपप्रमुख ।

१३. उच्च अदालतका न्यायाधीश, नेपालस्थित संयुक्त राष्ट्रसंघीय आवासीय संयोजक

१४. प्रदेश लोकसेवा आयोगका अध्यक्ष, नगपालिकाका प्रमुख, उपरथी, प्रहरी अतिरिक्त महानिरीक्षक, सशस्त्र प्रहरी अतिरिक्त महानिरीक्षक, राष्ट्रिय अनुसन्धान विभागका अतिरिक्त मुख्य अनुसन्धान निर्देशक, प्रदेश लोकसेवा आयोगका सदस्य।

१५. जिल्ला समन्वय समितिका उपप्रमुख, गाउँपालिकाका अध्यक्ष, नगरपालिकाका उपप्रमुख, सरकारका सहसचिव र राजपत्रङित प्रथम श्रेणीका अधिकृत, जिल्ला न्यायाधीश, प्रदेश सरकारका सचिव, प्रमुख जिल्ला अधिकारी र विश्वविद्यालयका सहप्राध्यापक ।

१६. सहायकरथी, प्रहरी नायब महानिरीक्षक,सशस्त्र प्रहरी नायब महानिरीक्षक, राष्ट्रिय अनुसन्धान विभागका अनुसन्धान निर्देशक, नेपालस्थित विदेशी कन्सुल जनरल,महासेनानी ।
१७ . सरकारका उपसचिव वा सो सरहका अधिकृत प्रमुख सेनानी, प्रहरी उपरीक्षक, सशस्त्र प्रहरी उपरीक्षक, राष्ट्रिय अनुसन्धान विभागका उपअनुसनन निर्देशक, विश्वविद्यालयका उपप्राध्यापक ।

१८. सेनानी, प्रहरी नायव उपरीक्षक, सशस्त्र प्रहरी नायव उपरीक्षक, राष्ट्रिय अनुसन्धान विभागका प्रमुख अनुसन्धान अधिकृत, प्रदेश सरकार तथा स्थानीय सरकारका राजपत्रकिङ्त द्धितीय श्रेणी वा सोसरहका अधिकृत ।

१९. नेपाल सरकारका शाखा अधिकृत वा सोसरहका अधिकृत, सहसेनानी विश्वविद्यालयका सहायक उपप्राध्यापक ।

२०. प्रहरी निरीक्षक, सशस्त्र प्रहरी निरीक्षक, राष्ट्रिय अनुसन्धान विभागका अनुसन्धान अधिकृत, उपसेनानी ।

२१. प्रदेश सरकार तथा स्थानीय सरकारका राजपत्रकिङ्त तृतीय श्रेणी वा सोसरहका अधिकृत, सहायक सेनानी । 

सम्बन्धित समाचार

मन्त्रिपरिषद्को बैठकका निर्णय : मर्यादाक्रम निर्धारण, राजदूतमाथि छानबिन

काठमाडौँ । सरकारले नेपाल विशेष सेवा (आठौँ संशोधन) नियमावली, २०७५ स्वीकृत गरेको छ । सरकारका प्रवक्ता गोकुलप्रसाद बाँस्कोटाले यही पुस १९ र २३ गते प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद्को

आयल निगमको कार्यकारी निर्देशकमा सुरेन्द्र पौडेल नियुक्त

काठमाडौं । सरकारले नेपाल आयल निगमको कार्यकारी निर्देशकमा सुरेन्द्र पौडेललाई नियुक्त गरेको छ ।  सोमबार साँझ बसेको मन्त्रिपरिषद् बैठकले पौडेललाई निगमको कार्यकारी निर्देशकमा नियुक्त गरेको हो । वाणिज्य तथा आपूर्ति मन्त्रालयले गराएको

पुस १३ र १६ गतेका मन्त्रिपरिषदका निर्णय यस्ता छन्  

काठमाडौँ । सरकारका प्रवक्ता एवम् सञ्चार तथा सूचना प्रविधिमन्त्री गोकुल प्रसाद बाँस्कोटाले यहि पुस १३ गते शुक्रबार र पुस १६ गते सोमबार प्रधानमन्त्री तथा मन्त्रिपरिषद्को कार्यालय, सिंहदरबारमा बसेको मन्त्रिपरिषद् बैठकले

सरकारद्वारा ५ देशमा राजदुत राजदुत सिफारिस, तीन देशका फिर्ता बोलाइए 

काठमाडौं। सरकारले विभिन्न देशमा रिक्त राजदूत पदमा नियुक्तिको सिफारिस गरेको छ भने दक्षिण कोरिया, बंगालादेश र स्पेनका राजदूतलाई फिर्ता बोलाउने निर्णय गरेको छ।  यही पुस ६ र ९ सम्पन्न मन्त्रिपरिषद्का बैठकका


z