चार दिनदेखि आन्दोलित हेल्थ असिस्टेन्टले सामूहिक राजीनामा दिने 

खरीबोट

 काठमाडौं । देशको नयाँ प्रशासनिक संरचनाअनुसार नयाँ संगठन संरचनामा हेल्थ असिस्टेन्टलाई अन्याय गरेको भन्दै आन्दोलित हेल्थ एसिष्टेन्ट(एचए)हरुले सामूहिक राजीनामा दिने तयारी गरेका छन्। दबाबका लागि काठमाडौं आइपुगेका उनीहरुले मन्त्रालयले सुनुवाइ नगरे सामूहिक राजीनामा दिने तयारी गरेका हुन्।

हेल्थ एसिस्टेन्ट संघको केन्द्रीय सदस्य  उदयकुमार महतोले  प्रस्तावित संगठन संरचनामा आफूहरुको असहमति भएको बताए । उनले लोकसेवाको प्रक्रियाबाट आएको कर्मचारीलाई  जिम्मेवारी दिनुपर्ने, शैक्षिक योग्यताको कदर हुनुपर्ने भन्दै ४ दिनदेखि आन्दोलन गरिरहे पनि सम्बन्धित निकायले माग सम्बोधनमा कुनै चासो नदेखाएकाले सामूहिक राजीनामा दिने तयारी गरेको बताए ।

आन्दोलनकै सहभागी अर्का धनुषाका विजय महासेठले पनि तहगतलाई छोडेर पदीय जिम्मेवारीको रुपमा  हेल्थ एसिस्टेन्टहरुलाई  काम कर्तव्यमा बाँडियोस् भन्ने आफूहरुले चाहेको बताए ।  उनले भने, तर यहाँ तहमा  काम गरे पनि नगरे पनि, शैक्षिक योग्यता  होस् या नहोस्  ४ वर्षपछि  पाँचौँ र अर्को ५ वर्षपछि  छैटौँ  र सातौँ हुने भएकाले यो राम्रो हैन । स्वास्थ्य जस्तो संवेनशील कुरामा  तहगतलाई अगाडि लगेर  एमबीबीएसलाई छोड्ने हो त ?   

केही दिनदेखि हेल्थ असिस्टेन्ट संघको नेपाल हानको अगुवाइमा  मन्त्रालयमा धर्ना र घेराउ कार्यक्रम भइरहेको छ। उनीहरुको आन्दोलनले मन्त्रालय तनावग्रस्त भएपछि प्रहरी परिचालन गरी मन्त्रालयभित्र प्रवेश निषेध गरिएको छ।

एचएहरुले नयाँ संरचनामा शैक्षिक योग्यता र लोकसेवाको प्रक्रियाको आधारमा कर्मचारीको पद र जिम्मेवारी तोकिनुपर्नेमा केही व्यक्तिको स्वार्थमा बनाइएको संगठन संरचना खारेजीको माग गरेका छन्।  

नयाँ संगठन संरचना विभेदकारी भएको भन्दै हामीले पटक पटक सुझावसहितको ज्ञापन पत्र बुझाए पनि हाम्रो माग सुनुवाइ नभएपछि मन्त्रालय केन्द्रित आन्दोलन गर्नै बाध्य भएको र  यही आन्दोलनमा पनि प्रहरीले हस्तक्षेप  गरेर आवाज दबाउने कोसिस गरेको उनीहरुको भनाइ छ ।  हाल ७ हजार हेल्थ  हेल्थ असिस्टेन्टहरु सेवामा छन् ।

सम्बन्धित समाचार

बेलायती प्रधानमन्त्री मेद्वारा पार्टी नेताबाट पनि राजीनामा

लण्डन । बेलायतका प्रधानमन्त्री थेरेसा मेले शुक्रबार सत्तारुढ कन्जरभेटिभ पार्टीको संसदीय दलको नेताबाट राजीनामा गरेकी छन् । प्रधानमन्त्री मेले जुन ७ मा कन्जरभेटिभ पार्टीको संसदीय दलको नेताको पदबाट राजीनामा दिने

प्रदेश ३ का मुख्य न्यायाधिवक्ताद्वारा राजीनामा

हेटौँडा । प्रदेश ३ का मुख्य न्यायाधिवक्ता सूर्यचन्द्र न्यौपानेले पदबाट राजीनामा दिएका छन् । मुख्यमन्त्री डोरमणि पौडेल अस्वस्थ्य भई उपचार गराइरहेका बेला उनले राजीनामा दिएका हुन् ।  न्यौपानेले प्रमुख सचिव आनन्दराज ढकालमार्फत

विप्लव समूहका एरिया इञ्चार्जद्वारा राजीनामा

सप्तरी । पार्टीले लिएको ध्वंशात्मक गतिविधि देशको समृद्धि र विकासका लागि बाधक भएको भन्दै नेत्रविक्रम चन्द ‘विप्लव’ समुहका एक नेताले राजीनामा दिएका छन् । सप्तरी जिल्ला ३ नं एरिया इञ्चार्ज छिन्नमस्ता

राहुल गान्धीद्वारा पार्टी अध्यक्षबाट राजीनामा पेश

नयाँ दिल्ली  । लोकसभा निर्वाचनमा पार्टीको नराम्रो पराजयपछि भारतीय काँग्रेसका अध्यक्ष राहुल गान्धीले पार्टी अध्यक्ष पदबाट राजीनामा पेश गरेका छन् ।  काँग्रेसको आज बसेको कार्यसमिति बैठकमा गान्धीले राजीनामा पेश गरेको भारतीय


z