हवाइ इन्धनको मूल्य घटेसँगै आन्तरिकतर्फको भाडादर पनि घट्यो, कँहाको कति भयो ?

काठमाडौँ — नेपाल आयल निगमले बिहीबार रातिदेखि आन्तरिक तर्फको हवाइ इन्धनको मूल्य घटाएसँगै अन्तरिक हवाइ सेवाको पनि भाडा दर घटेको छ ।

वायुसेवा सञ्चालकहरूको छाता संगठन नेपाल वायुसेवा सञ्चालक सङ्घका प्रवक्ता घनश्याम आचार्यका अनुसार दुरीको हिसाबमा १८५ देखि ३४५ रुपैयाँसम्म भाडा घटेको छ । उनले भने, ' आइतबारदेखि लागू हुनेगरी फ्युल सरचार्ज (इन्धन शुल्क)मा कम्तीमा १ सय ८५ रुपैयाँसम्म घटाएइको छ ।'

नेपाल आयल निगमले बिहीबार मध्यरातदेखि लागू हुने गरी १०४ रुपैयाँ ५० रुपैयाँको आन्तरिक हवाइ इन्धनको मूल्य ९४ रुपैयाँ ५० पैसा कायम गरेको थियो । 

नयाँ हवाई भाडा यस्तो छ :

माउण्टेन फ्लाइट   ११,३००/- रुपैयाँ
काठमाण्डौ–पोखरा   ५०५०/- रुपैयाँ
काठमाण्डौ–भरतपुर   ३६५०/- रुपैयाँ
काठमाण्डौ–विराटनगर  ७५५०/- रुपैयाँ
काठमाण्डौ–जनकपुर  ४३००/- रुपैयाँ
काठमाण्डौ–सिमरा    ३१२०/- रुपैयाँ
काठमाण्डौ–भैरहवा    ६२००/- रुपैयाँ
काठमाण्डौ–धनगढी   १२,६५०/- रुपैयाँ
काठमाण्डौ–नेपालगञ्ज    १०,०००/- रुपैयाँ
काठमाण्डौ–भद्रपुर    ९१००/- रुपैयाँ
काठमाण्डौ–तुम्लिङटार   ६,०००/- रुपैयाँ