- २०८१ बैशाख ८ शनिबार
काठमाडौँ । चर्चित कोरियोग्राफर तथा फिल्म निर्देशक फराह खानले मिस वर्ल्ड २०१७ मानुषी चिल्लरलाई बलिवुडमा डेभ्यु गराउने भएकी छन् ।
सन् २००८ मा अहिलेकी नम्बर एक अभिनेत्री दीपिका पदुकोनेलाई आफ्नो फिल्म ओम शान्ति ओमबाट बलिवुडमा डेभ्यु गराएकी फराहले अब मानुषीलाई पनि बलिवुडमा ल्याउने भएकी हुन् । भारतीय मिडियाहरुले उल्लेख गरे अनुसार फराह र मानुषीबीच फिल्मका बारेमा काम सुरु भइसकेको छ ।
मानुषीले यसअघि नै बलिवुडमा आउने आफ्नो इच्छा व्यक्त गरिसकेकी छन् । यस अघि मानुषीले अभिनेता रनबीर सिंहसँग एक विज्ञापनमा काम गरिसकेकी छन् । सो विज्ञापनमा मानुषीको कामलाई निकै प्रसंशा गरिएको थियो ।
मानुषीले २०१७ मा मिस वर्ल्डको उपाधि जित्दै १७ बर्षपछी भारतलाई सो उपाधि जिताएकी थिइन् । त्यसअघि भारतबाट सन् २००० मा प्रियंका चोपडाले सो उपाधि जितेकी थिइन् । मेडिकल अध्ययन गरेकी २१ बर्षिय मानुषी मिस वर्ल्डको उपाधि जित्ने छैठौ भारतीय हुन् ।
