रोहितको शतकका बाबजुद भारतमाथि अस्ट्रेलियाको शानदार जित 

खरीबोट

काठमाडौँ । अस्ट्रेलियाले भारतविरुद्धको एकदिवसीय सिरिजमा विजयी सुरुवात गरेको छ ।

आज भएको पहिलो एकदिवसीय खेलमा भारतलाई ३४ रनले पराजित गर्दै अस्ट्रेलियाले सिरिजमा १-० को बढत लिएको छ । अस्ट्रेलियाले दिएको २८९ रनको लक्ष्य पछाएको भारत ५० ओभरमा ९ विकेट गुमाएर २५४ रन बनाएको थियो ।

भारतका लागि ओपनर रोहित शर्माले १३३ रनको उत्कृष्ट पारी खेलेपनि उनले भारतलाई जित दिलाउन भने सकेनन् । रोहितले १२९ बलमा ६ छक्का र १० चौका सहित १३३ रन बनाएर आउट भएका थिए । भारतले सुरुवात मै तीन विकेट गुमाउदा दबाबमा आएको थियो । भारतका लागि शिखर धवन र अम्बाती रायडु शुन्यमा आउट भएका थिए भने कप्तान विराट कोहली ३ रनमा आउट भएका थिए ।

त्यस्तै महेन्द्र सिंह धोनीले ५२ रन बनाएका थिए । धोनी र रोहितले चौथो विकेटका लागि १३७ रनको साझेदारी गरेका थिए । त्यस्तै दिनेश कार्तिकले १२, रविन्द्र जडेजाले ८ रन र भुवनेश्वर कुमारले अविजित २९ रन बनाएका थिए ।

अस्ट्रेलियाका बलर झये रिचार्डसनले सर्वाधिक ४ विकेट लिए भने जेसन बेहरेनडोफ र मार्कोस स्टोइनेसले २-२ विकेट लिएका थिए । त्यस्तै पिटर सिडलले एक विकेट लिएका थिए ।

यसअघि टस जितेर पहिला ब्याटिंग गरेको अस्ट्रेलियाले ५० ओभरमा ५ विकेट गुमाएर २८८ रन बनाएको थिए । अस्ट्रेलियाका लागि पिटर ह्यान्ड्सकबले सर्वाधिक ७३ रन बनाए भने उसमान ख्वाजाले ५९ रन बनाएका थिए । त्यस्तै शान मार्शले ५४ तथा मार्कोस स्टोइनिसले ४७ रन बनाएका थिए ।

भारतका लागि भुवनेश्वर कुमार र कुलदीप यादवले एक एक विकेट लिएका थिए भने रविन्द्र जडेजाले एक विकेट लिएका थिए ।
     
 

सम्बन्धित समाचार

भारत भ्रमणमा अस्ट्रेलियाको विजयी सुरुवात, पहिलो टी-२० जित्यो 

काठमाडौँ । भारत भ्रमणमा रहेको अस्ट्रेलियाको क्रिकेट टिमले विजयी सुरुवात गरेको छ । गएराती सम्पन्न पहिलो टी-२० खेलमा अस्ट्रेलिया २ विकेटले विजयी हुदै २ टी-२० खेलको सिरिजमा १-० ले अगाडी

अस्ट्रेलियाविरुद्धको एकदिवसीय सिरिज भारतको कब्जामा

काठमाडौँ । भारतले अस्ट्रेलियाविरुद्धको एकदिवसीय सिरिजमा जित हासिल गरेको छ । आज सम्पन्न तेस्रो एकदिवसीय खेलमा ७ विकेटले जित हासिल गर्दै तीन खेलको सिरिजमा २-१ ले जित हासिल गरेको हो

अस्ट्रेलियाले भारतलाई दियो २३१ रनको लक्ष्य 

काठमाडौँ । अस्ट्रेलियाले सिरिजको अन्तिम एकदिवसीय क्रिकेट खेलमा भारतलाई २३१ रनको लक्ष्य दिएको छ । अहिले जारी खेलमा टस हारेर पहिला ब्याटिंग गरेको अस्ट्रेलियाले ४८.४ ओभरमा २३० रन बनाएर अल

अस्ट्रेलियालाई पराजित गदै भारतद्वारा सिरिज बराबरी  

काठमाडौँ । अस्ट्रेलियाविरुद्धको दोस्रो एकदिवसीय खेलमा भारत ६ विकेटले विजयी भएको छ । अस्ट्रेलियाले दिएको २९९ रनको लक्ष्यलाई भारतले ४ विकेट गुमाउदै ४९.२ ओभरमा पुरा गरेको हो । भारतलाई जित दिलाउनेक्रममा


z