गुप्तेश्वर गुफाबाट साढे चार करोड आम्दानी

खरीबोट

पोखरा । पोखराको महत्वपूर्ण पर्यटकीय गन्तव्य गुप्तेश्वर महादेव गुफा व्यवस्थापन समितिले आर्थिक वर्ष २०७४-०७५ मा टिकट बिक्रीबाट रु चार करोड ५१ लाख ९९ हजार ४९१ आम्दानी गरेको छ । 

ऐतिहासिक, पुरातात्विक एवं धार्मिक महत्व बोकेको गुफाको कूल छ लाख ६६ हजार ९४१ आन्तरिक एवं बाह्य पर्यटकले टिकट काटेर अध्ययन अवलोकन गर्दा सो आम्दानी भएको हो । सो अवधिमा सबैभन्दा बढी रु १०० दरको एक लाख ४९ हजार ३४५ वटा टिकट बिक्री गरी रु एक करोड ४९ लाख ३४ हजार ५०० आम्दानी भएको थियो । 

विभिन्न तीन किसिमका रु ५० को टिकटबाट रु एक करोड ३६ लाख ४६ हजार २००, रु ३५ बाट रु ३९ लाख ४७ हजार ७९० रु २० दरको टिकटबाट रु छ लाख १३ हजार ४४० र रु १० को टिकटबाट रु ६१ हजार ६० आर्थिक सङ्कलन भएको हो । 

त्यसैगरी गुफा प्रवेशद्वारमा निर्माण गरिएको यान्त्रिक कामधेनु गाईको अवलोकनका लागि रु १० को टिकटबाट रु नौ लाख ४८ हजार ७३० आम्दानी गरेको शनिबार यहाँ आयोजित गुफाको २३ औँ वार्षिक साधारणसभा तथा नवौँ अधिवेशनमा कोषाध्यक्ष ऋषिराम बरालले प्रस्तुत गरेको आर्थिक प्रतिवेदनमा उल्लेख छ । 

गण्डकी प्रदेश प्रमुख बाबुराम कुँवरले सो साधारणसभा एवं अधिवेशनको उद्घाटन गर्दै प्रदेशको महत्वपूर्ण पर्यटकीय गन्तव्य गुप्तेश्वर गुफाको संरक्षण र विकासका लागि सामूहिक प्रयासको खाँचो औल्याए । मानव जीवन सबैप्रति उत्तरदायी हुँदै सेवाभावसँग जोडिनु पर्ने बताउँदै उनले समृद्धि एवं सुशासन प्राप्तिका लागि व्यक्तिको सेवा अपरिहार्य रहेको उल्लेख गरे । 

गुफा व्यवस्थापन समितिका अध्यक्ष विष्णुप्रसाद पौडेलको अध्यक्षतामा भएको कार्यक्रममा सांसद वृन्दा रानामगर, पोखरा महानगरपालिका–१७ का वडाध्यक्ष तिर्थ अधिकारी, गुप्तेश्वर महादेव बहुमुखी क्याम्पस सञ्चालक समितिका अध्यक्ष प्रा डा भूपति ढकाल, छोरेपाटन मावि व्यवस्थापन समितिका अध्यक्ष झपीन्द्रराज रेग्मी, गुफा व्यवस्थापन समितिका उपाध्यक्ष तुल्सीराम बराल, पद्मबहादुर थापालगायतले सामाजिक विकासमा गुफाको महत्वपूर्ण भूमिका रहेको उल्लेख गरे ।  
 

सम्बन्धित समाचार

चुनाव प्रचार सकिएपछि मोदी गुफामा ध्यान गर्दै  

नयाँ दिल्ली ।  भारतीय प्रधानमन्त्री नरेन्द्र मोदी उत्तरखण्डको एक गुफामा ध्यान गरिरहेका छन् । शुक्रबार लोकसभा चुनावको प्रचारप्रसार सकिएपछि मोदी शनिबार बिहानै उत्तरखण्डको केदारनाथ पुगेका थिए । केदारनाथको दर्शन गरेर मोदी ध्यान

पर्यटकको पर्खाइमा तनहुँका गुफाहरु

दमौली । तनहुँ जिल्लाका विभिन्न ठाउँमा रहेका गुफाहरु प्रचारप्रसारको अभावमा ओझेलमा छन् । बन्दीपुर गाउँपालिका, भिमाद नगरपालिका र शुक्लागण्डकी नगरपालिकामा अवस्थित ती गुफाहरु पर्याप्त प्रचारप्रसार नहुँदा ओझेलमा परेका हुन् । गुफाको

नेटफ्लिक्सले थाइल्याण्डको गुफामा फसेकाहरूको उद्दार कार्यमा आधारित मिनिसिरिज निर्माण गर्ने

नेटफ्लिक्सले गत वर्ष थाइल्याण्डको एक गुफामा फसेका १२ बालक र एक फुटबल प्रशिक्षकको उद्दार कार्यमा आधारित भएर एक मिनिसिरिज निर्माण गर्ने भएको छ । नेटफ्लिक्सले एसएक ग्लोबल इन्टरटेनमेन्टसँगको सहकार्यमा उक्त

वाह ! गुफापोखरी

समुन्द्र सतहदेखि दुई हजार ९०० मिटरको उचाइमा रहेको तेह्रथुम र संखुवासभाको सीमास्थित हिउँले ढाकेको गुफापोखरी । सो पोखरी क्षेत्र गुराँसको राजधानी तीनजुरे मिल्के जलजले क्षेत्रकै उत्कृष्ट गन्तव्य हो । तस्बिर


z