काठमडौं । नेपाल प्रहरीको केन्द्रीय अनुसन्धान ब्युरो (सीआईबी)ले नेपाली चेलीबेटीलाई भारत लगेर जबर्जस्ती वेश्यावृत्तिमा लगाउने एक जनालाई पक्राउ गरेको छ ।
सोमबार सुनसरी धरानका छोङ हांग राई भन्ने सन्तोष राईलाई धरानकै धनकुटे रोडबाट पक्राउ गरेको प्रहरीले जनाएको छ ।
राईले विभिन्न बहानामा बोर्डर पास गरी भारतीय वेश्यालयमा पुर्याई युवतीहरुलाई ६ लाख रुपैयाँसम्ममा बेच्ने गरेको अनुसन्धानबाट खुलेको प्रहरीले जनाएको छ । उनलाई इलाका प्रहरी कार्यालय धरानमा बुझाइएको जनाइएको छ ।
उनले बालिकाहरुलाई समेत झुक्याएर दिल्लीस्थित जीबी रोडको वेश्यालयमा लगेर बेच्ने गरेका थिए ।