- २०८१ बैशाख १३ बिहीबार
काठमाडौँ । थाइल्याण्डमा जारी महिला टी-२० स्म्यास अन्तर्गत समुह चरणको अन्तिम खेलमा थाइल्याण्ड ए ले नेपाललाई २० रनको लक्ष्य दिएको छ ।
अहिले जारी खेलमा नेपालले टस जितेर पहिला बलिङ गरेको खेलमा नेपालले थाइल्याण्डको ए टिमलाई १५.४ ओभरमा १९ रनमा अल आउट गरेको हो ।
नेपालका लागि आरती बिडारीले ३ विकेट लिइन् भने सरिता मगर र इन्दु बर्माले २-२ विकेट लिएका थिए । त्यस्तै रुबिना छेत्री, सिता राना मगर र सोनु खड्काले एक एक विकेट लिएका थिए ।
थाइल्याण्ड ए का ५ खेलाडी शुन्य रन मै आउट भएका थिए भने थाइल्याण्ड ए का खेलाडीले बनाएको उच्च रन ४ थियो ।
नेपालले केहि बेरमा जवाफी ब्याटिंग गर्दै छ ।
प्रतियोगितामा नेपालले यसअघि चीन, मलेसिया र युएईलाई पराजित गरेको थियो । प्रतियोगीतामा समुह ए बाट नेपाल र युएई तथा समुह बि बाट थाइल्याण्ड र इन्डोनेसिया सेमिफाइनलमा प्रवेश गरिसकेका छन् ।
थाईल्याण्ड टि-२० स्म्यास प्रतियोगितामा नेपाल सहित भुटान, हङकङ, युएई, चीन, मलेसिया, थाईल्याण्ड, थाईल्याण्ड ‘ए’, इन्डोनेसिया, म्यानमार गरि १० टोलीलाई ५-५ टिमको दुई समुहमा विभाजन गरिएको छ ।
नेपाल रहेको समुह ‘ए’ मा युएई , चिन, मलेसिया र थाईल्याण्ड ‘ए’ टिम रहेका छन्। समुह ‘बि’ मा थाईल्याण्ड, हंगकंग, इन्डोनेसिया, भुटान र म्यानमार रहेका छन्। दुवै समुहमा एक अर्का बीच एक एक खेलपछि समुहबाट उत्कृस्ट २ हुने टिम सेमीफाइनल प्रवेश गर्नेछ।
प्रतियोगिताको सेमिफाइनल खेल आगामी शुक्रबार हुने छन् भने फाइनल खेल शनिबार हुने तालिका रहेको छ ।
