- २०८१ बैशाख ८ शनिबार
काठमाडौँ । अस्ट्रेलियाले सिरिजको अन्तिम एकदिवसीय क्रिकेट खेलमा भारतलाई २३१ रनको लक्ष्य दिएको छ । अहिले जारी खेलमा टस हारेर पहिला ब्याटिंग गरेको अस्ट्रेलियाले ४८.४ ओभरमा २३० रन बनाएर अल आउट भएको थियो ।
अस्ट्रेलियाका लागि पेटर ह्यान्ड्सकबले सर्वाधिक ५८ रन बनाएका थिए भने शन मार्शले ३९, उसमान ख्वाजाले ३४ रनको योगदान दिएका थिए । त्यस्तै ग्लेन म्याक्स वेलले २६ तथा रिचार्डसनले १६ रन बनाएका थिए ।
अस्ट्रेलियालाई २३० रनमा समेट्न भारतका बलर युजवेन्द्र चहलले ६ विकेट लिएका थिए । १० ओभरमा ४२ रन दिएर चहलले ६ विकेट लिएका थिए । चहलले मेलवर्न मैदानमा यसअघि भारतीय बलर अजित अग्रकरले लिएको ६ विकेटको रेकर्डलाई बराबरी गरेका छन् ।
त्यस्तै भुवानेश्वोर कुमार र मोहमद सामीले २-२ विकेट लिएका थिए ।
भारतले केहि बेरमा जवाफी ब्याटिंग गर्दै छ ।
तीन खेलको सिरिजमा अस्ट्रेलिया र भारतले १-१ खेल जितेर बराबर रहेका छन् भने यो खेल जित्ने टिमले सिरिज जित्ने छ ।
