डा. केसीसँगको सम्झौता कार्यान्वयनको जिम्मेवारी प्रधानमन्त्रीले लिनुपर्छ : विवेकशील नेपाली दल  

खरीबोट

काठमाडौँ l विवेकशील नेपाली दलले डा.गोविन्द केसीको १६औं सत्याग्रह र स्विस बैंकमा थुपारिएको कालो धन बारे आफ्नो धारणा सार्वजनिक गरेको छ l 

दलका प्रवक्ता रमेश पौड्यालले जारी गरेको विज्ञप्तिमा डा.गोविन्द केसीलाई सरकारले सोह्रौं सत्याग्रह शुरु गर्न बाध्य बनाएको स्थितिप्रति हाम्रो गम्भीर ध्यानाकर्षण भएको जनाएको छ । 
सरकार आफैंले यस अगाडि १५ औं सत्याग्रहका बेला डा केसीसँग गरेको सम्झौता कार्यान्वयन नगरेका कारण यो अवस्था आउनु दुर्भाग्यपूर्ण कुरा भएको जनाउदै दलले डा.केसीको अनशनको दशौँ दिन पुगिसक्दा पनि सरकारका तर्फबाट उनको जीवन रक्षाका लागि कुनै पहल नहुनुले सरकारको चरम गैर–जिम्मेवारीपन र संवेदनविहीनता देखाएको उल्लेख गरेको छ । 

साथै डा केसीले उठाएका स्वास्थ्य सेवा र चिकित्सा शिक्षा क्षेत्र सुधारका मुद्दाहरुमा समेत सरकारको ध्यान पुगेको नदेखिएको बताउदै ती क्षेत्रको विकास र सुधार राज्यकै पहिलो जिम्मेवारी भएको बताएको छ । 

सम्झौता कार्यान्वयनको जिम्मेवारी प्रधानमन्त्री स्वयंले लिनुपर्छ भन्दै विवेकशीलले त्यसो नभई सरकार अझै पनि मौन बस्ने, व्यवहारमा आफैंले गरेको सम्झौता कुल्चने र डा केसीको स्वास्थ्य जोखिममा पर्दै जाने हो भने दबाबका लागि हदैसम्मका विरोध कार्यक्रमहरु ल्याउन बाध्य हुने चेतावनी समेत दिएको छ l 

विवेकशीलले डा.केसीको सत्याग्रहलाई साथ् दिन यहि माघ ५ गते शनिवार, माईतीघर मण्डलामा नागरिकस्तरबाट आयोजना हुने शान्तिपूर्ण दवाव कार्यक्रममा उपस्थित हुन नागरिकहरुमा आव्हान समेत गरेको छ l

त्यस्तै स्विस बैंकमा थुपारिएको कालो धन बारे विवेकशील दलले आफ्नो दलको ध्यानाकर्षण भएको भन्दै स्विस बैङ्कमा जम्मा रकमको अझै मिहिन छानबिन गरी सत्य तथ्य बाहिर ल्याउन नेपाल सरकार समक्ष माग गरेको छ l

साथै विदेशमा लगानी गरेका भनिएका नेपालीहरूका बारे पनि आवश्यक छानबिन गरी कानुन बमोजिम कारबाहीको लागि माग गरेको छ l यस विषयमा सुशासन पक्षधर सबै व्यक्ति र शक्तिहरूसँग मिलेर विवेकशील नेपाली दलले अभियान चलाउने जानकारी गराएको छ l
 

सम्बन्धित समाचार

गुठी विधेयकप्रति विवेकशील नेपाली दलको आपत्ति

काठमाडौँ । विवेकशील नेपाली दलले सरकारले ल्याउन लागेको गुठीसम्बन्धी विधेयकको विरोध गरेको छ । विवेकशीलले एक विज्ञप्ति प्रकाशित गर्दै गुठीलाई स्वायत्त, समुदायमुखी र पारदर्शी बनाउनुको साटो राष्ट्रिय पहिचानहरूलाई नै धराशायी बनाउन

दल दर्ता नभएपछि विवेकशील नेपाली दल आयोगविरुद्ध सर्वोच्चमा 

काठमाडौँ । विवेकशील नेपाली दलले निर्वाचन आयोगविरुद्ध सर्वोच्च अदालतमा रिट दायर गरेको छ । आयोगले आफ्नो दल दर्ता गर्न अस्वीकार गरेपछि उसले बुधबार सर्वोच्चमा रिट दायर गरेको हो ।  राजनीतिक दलसम्बन्धी

विवेकशील नेपाली दलद्वारा बम विस्फोटको घटनाको भर्त्संना 

काठमाडौँ l शुक्रबार साँझदेखि काठमाडौँ लगायत देशका कतिपय स्थानमा भएका बम विस्फोट लगायतका हिंसात्मक घटनाहरूप्रति विवेकशील नेपाली दलको गम्भीर ध्यानाकर्षण भएको जनाएको छ ।  विवेकशील नेपाली दलले विस्फोटको घटनामा संग्लनहरुको यथाशक्य

डा. केसीसँगको सम्झौता कार्यान्वयनको जिम्मेवारी प्रधानमन्त्रीले लिनुपर्छ : विवेकशील नेपाली दल  

काठमाडौँ l विवेकशील नेपाली दलले डा.गोविन्द केसीको १६औं सत्याग्रह र स्विस बैंकमा थुपारिएको कालो धन बारे आफ्नो धारणा सार्वजनिक गरेको छ l  दलका प्रवक्ता रमेश पौड्यालले जारी गरेको विज्ञप्तिमा डा.गोविन्द केसीलाई


z