काठमाडौँ । इटालियन कोपाबाट युभेन्टस बाहिरिएको छ ।
गएराती भएको क्वाटरफाइनल खेलमा एटलान्टासँग ३-० ले पराजित हुदै युभेन्टस प्रतियोगिताबाट बाहिरिएको छ । एटलान्टाको जितमा डुभान जापटाले २ गोल गरे भने एक गोल टिमोथी कस्टेगेले गरेका थिए ।
यसअघि लगातार ४ पटक कोपा इटालीको उपाधि जितेको युभेन्टस यस पटक क्वाटरफाइनलबाट नै बाहिरएको छ । सिरी ए मा अपराजित रहेको युभेन्टसको यस सिजनमा आफ्नो घरेलु मैदानमा भएको पहिलो हार हो । टच मैदानबाट बाहिर आएको भन्दै युभेन्ट्सका म्यानेजर मास्सीमिलियानो अल्लेग्रीलाई रेफ्रीले रातो कार्ड देखाएका थिए ।
युभेन्टसले अब अर्को खेल सिरी ए मा पार्मासँग खेल्ने छ ।