काठमाडौँ । नेपाल र युएईबीच तीन टी-२० क्रिकेट सिरिज अन्तर्गतको तेस्रो तथा अन्तिम टी-२० खेललाई बर्षाले अवरोध गर्ने देखिएको छ ।
अहिले दुबईमा ठुलो वर्षा भएकाले अहिलेसम्म दुवै टिमको नियमित वार्मअप समेत नभएको युएईको द नेशनल पत्रिकाका खेल पत्रकार पाउल राडलीले जानकारी दिएका छन् ।
राडलीका अनुसार अहिलेसम्म कुनै वार्मअप भएको छैन भने खेलहुने आइसीसीको दुबईस्थित एकेडेमी आसपासका क्षेत्रमा मेघगर्जनसहित पानी परिरहेको छ ।
युएई क्रिकेट बोर्डका अनुसार अहिले पिचलाई कभर गरिएको छ भने वर्षा रोकिएपछि खेल अफिसियलले अनुगमन गर्ने भएका छन् ।
एकदिवसीय सिरिज २-१ ले जितेको नेपालले दोस्रो टी-२० खेल जित्दै सिरिज १-१ ले बराबरी गरेको थियो ।