टेलिकमले चिनियाँ र हङकङको कम्पनीसँग गर्यो फोरजी-एलटीई सेवाको सम्झौता 

खरीबोट

काठमाडौँ । नेपाल टेलिकमको फोरजी÷एलटीई सेवा विस्तारका लागि सम्झौता सम्पन्न भएको छ । 

संसदको अर्थ समिति, विकास तथा प्रविधि समिति र सञ्चार तथा सूचना प्रविधि मन्त्रालयबाट प्राप्त निर्देशन तथा सार्वजनिक खरिद ऐन र कम्पनीको आर्थिक विनियमावलीमा रहेको व्यवस्थाको अधिनमा रही सो सम्झौता गरिएको टेलिकमले जनाएको छ । 

फोरजी(एलटीई सेवा विस्तारका लागि आवश्यक कोर नेटवर्क र रेडियो एक्सेस नेटवर्क – र्यानको लागि चिनियाँ कम्पनी जेडटीई र सीसीएसआई हङकङसँग सम्झौता सम्पन्न भएको हो । 

यस सम्बन्धी छुट्टाछुट्टै सम्झौता पत्रमा नेपाल टेलिकमको तर्फबाट प्रबन्ध निर्देशक डिल्लीराम अधिकारी र जेडटीई तथा सीसीएसआईका प्रतिनिधिले हस्ताक्षर गरेका हुन् । 

नेपालभर ६५ लाख क्षमताको फोरजी-एलटीई विस्तारका लागि एउटा कोर नेटवर्क र दुई वटा ¥यान नेटवर्क तयार गरिने छ । यसका लागि मूख्य कोर नेटवर्क काठमाडौं र बुटवलमा रहने छ । 

र्यान नेटवर्क अन्तर्गत नेटवर्क १ र नेटवर्क २ मार्फत सातै प्रदेशमा सेवा विस्तार गरिने छ । सम्झौता पश्चात् एक वर्ष भित्रमा परियोजना सम्पन्न हुने छ ।

नेपाल टेलिकमले मुलुक मै पहिलो पटक मिति २०७३ पौष १७ गते काठमाडौँ उपत्यका र पोखरामा फोरजी-एलटीई सेवा सञ्चालन गरेको थियो । देशभर यो सेवा विस्तार भए पश्चात टुजी, थ्रिजी र फोरजी नेटवर्कलाई  ओभरलेको रुपमा सञ्चालन गरी ग्राहकलाई आ–आफ्नो रुचि र आवश्यकता अनुसारका सेवाहरु छनोट गर्ने अवसर प्राप्त हुनेछ ।

यसबाट मुलुकभर द्रुत गतिको डाटा तथा भ्वाइ र मल्टिमिडिया सेवा विस्तार तथा कभरेज र क्यापासीटीका लागि स्माल सेल विथ वाइफाई विस्तार गर्न सकिने छ । 
 

सम्बन्धित समाचार

टेलिकमको गरिमालाई बचाउन विश्वसनीय संरचना, व्यवस्थापन र क्रियाशीलताको खाँचो : मन्त्री बाँस्कोटा

धनुषा ।  सञ्चार एवं सूचना प्रविधिमन्त्री गोकुलप्रसाद बाँस्कोटाले निष्ठा, उत्तरदायी र जवाफदेही वहनले नै देश, संस्था र जीवनको हित हुने बताएका छन् । नेपाल टेलिकम जनकपुरधाम कार्यालयद्वारा आज यहाँ आयोजित

स्मार्ट टेलिकमद्वारा साथी सिम सार्वजनिक

काठमाडौं । स्मार्ट टेलिकमले हालै आफ्ना नयाँ ग्राहकहरूको लागि स्मार्ट साथी सिम सार्वजनिक गरेको छ, जस अन्तर्गत मात्र रु. ९९ मादुई वटा स्मार्ट साथी प्राप्त गर्न सकिने भएको छ ।

टेलिकमका रिचार्ज कार्डमा आधा मात्रै पिन नं, सेवाग्राही मर्कामा

डोटी । नेपाल टेलिकमका प्रिपेड तथा पोष्टपेड मोबाइलका रिर्चाज कार्डका पिन नम्बर आधामात्रै भएपछि सेवाग्राही मर्कामा परेका छन् । डोटीमा बिक्री वितरण भइरहेका कयौँ रिचार्ड कार्डमा आधामात्रै पिन नम्बर र बिना

टेलिकमको भवनबाट खसेर मृत्यु

काठमाडौँ । बबरमहलस्थित नेपाल टेलिकमको भवनबाट खसेर आइतबार एक कामदारको मृत्यु भएको छ ।  टेलिकमको टावर मर्मतका क्रममा भवनको सातौँ तलाबाट खसेर भारत उत्तर प्रदेश घर भएका अन्दाजी ३२ वर्षीय नारायणलाल


z