कला परिषदमा ‘आर्ट फर नेचर’ प्रदर्शनी 

खरीबोट

काठमाडौँ । प्राकृतिक कारणले वन्यजन्तु र प्रकृतिमा पारेको प्रभावका विषयमा केन्द्रित रहेर बनाइएका चित्रको आइतबार काठमाडौँस्थित नेपाल कला परिषद्मा प्रदर्शनी गरिएको छ । 

चौथो अन्तर्राष्ट्रिय प्रदर्शनी ‘आर्ट फर नेचर’को नेपाल ललितकला प्रज्ञा प्रतिष्ठानका कुलपति कान्छाकुमार कर्माचार्यले उद्घाटन गरेका छन् । उनले समाजलाई सन्देश प्रदान गर्न कलाको माध्यमबाट सजिलो हुने प्रतिक्रिया दिए ।

आर्ट क्लब नेपालको संयोजनमा ‘रिलिफ फण्ड फर वाइल्डलाइफ भिक्टिम’द्वारा गत पुसमा पर्सा राष्ट्रिय निकुञ्जमा भएको कार्यशालामा तयार भएका १२ कलाकारका २५ चित्र प्रदर्शन गरिएको छ । 

सो क्रममा उत्कृष्ट छनोट हुनुभएकी कलाकार सविता डङ्गोललाई ‘बेस्ट आर्टिस्ट अवार्ड’ प्रदान गरिएको थियो । कार्यक्रममा विश्व वन्यजन्तु कोषका लागि नेपाल प्रतिनिधि डा घनश्याम गुरुङ र रिलिफ फण्ड फर वाइल्डलाइफ भिक्टिमका अध्यक्ष डा प्रभु बुढाथोकीले प्रकृति र वन्जयजन्तुको संरक्षणमा कलाकारको योगदान महत्वपूर्ण रहेको बताएका थिए । चित्रकला प्रदर्शनी तीन दिनसम्म चल्ने जनाइएको छ ।

प्रदर्शनीमा रागिनी उपाध्याय, सुदर्शनविक्रम राणा, सुनिता राणा, राजन पन्त, जस्मिन राजभण्डारी, सुरेम देशार, इशान परियार, सविता डङ्गोल, सङ्गीता घिमिरेलगायतका केही विदेशी चित्रकारका चित्र समावेश छ । 
 

सम्बन्धित समाचार

कवितामा विचार मुटु हो भने कला सुन्दरता हो: सुवास संगम राई

सोलुखुम्बुका कवि सुवास संगम राई भावनामा हराउन भन्दा पनि वैचारिक र दार्शनिकतामा डुबुल्की मारेर कविता सिर्जना गर्न रुचाउँछन् । अहिले नयाँ कवितासंग्रह प्रकाशनको तयारीमा रहेका उनका यसअघि ‘यात्रामा छु आफैं’

बम निष्क्रिय पार्ने क्रममा घाइते सैनिकलाई काठमाडौँ पठाइयो

कास्की । नेत्रविक्रम चन्द्र (बिप्लव) समूहद्वारा पोखरामा राखिएका बमलाई निष्क्रिय पार्ने क्रममा घाइते भएका सैनिकलाई थप उपचारका लागि काठमाडौँ लगिएको छ । सो बमबाट कालीभञ्याङ गण रत्नमन्दिर पोखराका नायक धर्मबहादुर थापाको

चालक र सहचालकलाई निःशुल्क स्वास्थ्य जाँच

काठमाडौँ / गोङ्गबुस्थित नयाँ बसपार्कमा चालक तथा सहचालकलाई निःशुल्क स्वास्थ्य जाँच गरिएको छ । महानगरीय प्रहरी वृत्त महाराजगञ्जको आयोजना तथा ग्राण्डी अन्तर्राष्ट्रिय अस्पताल र नेपाल प्रहरी अस्पतालको सहकार्यमा आज चालक तथा

नवलपरासीमा रोकिराखेको ट्रकलाई बसले ठक्कर दिँदा एकको मृत्यु

नवलपरासी । पूर्वपश्चिम राजमार्गअन्तर्गत पूर्वी नवलपरासीको मध्यविन्दु– १० अरुणखोलामा गए राति भएको सवारी दुर्घटनामा परी बसमा सवार एकको मृत्यु भएको छ ।   बिग्रिएर सडकमा रोकिराखेको ना६ख १६१८ नंको ट्रकलाई सुनौलीबाट काठमाडाँै


z