- २०८१ बैशाख ८ शनिबार
काठमाडौं । सर्वोच्च अदालतले एनसेल खरिदबिक्री बापतको लाभकर एनसेल एक्जियटाबाटै असुल्न परमादेश जारी गरेको छ ।
प्रधानन्यायाधीश चोलेन्द्र शमशेर जबरा नेतृत्वको वृहत् पूर्ण इजलासले आज लाभकर एनसेल र खरिदकर्ता मलेसियन कम्पनी एक्जियटाबाटै असुल्न सरकारका नाममा परमादेश जारी गरेको हो ।
प्रधानन्यायाधीश राणासहित न्यायाधीशहरू मीरा खड्का, विश्वम्भरप्रसाद श्रेष्ठ, आनन्दमोहन भट्टराई र टंकबहादुर मोक्तानको बृहत पूर्ण इजलासमा एनसेल सम्बन्धि मुद्धाको सुनुवाइ भएको थियो ।
स्विडिस कम्पनी टेलिया सोनेराले एनसेललाई मलेसियन कम्पनी एक्जियटालाई बेचेर नेपालबाट फिर्ता भइसकेको छ ।
ठूला करदाता कार्यालयका अनुसार उक्त रकम करीब ३८ अर्ब रहेको छ । एनसेलले यसअघि लाभकर तिरिसकेकाे भन्दै सर्वाेच्चमा दर्ता गरेकाे मुद्दा भने खारेज भएकाे छ। सर्वोच्चको यो फैसलासँगै अब एनसेलको करछली प्रकरण सकिएको छ । लाभकार अब एनसेल र एक्जियटाले नै नै तिर्नुपर्ने भएको छ ।
