- २०८१ बैशाख ११ मंगलबार
काठमाडौँ । कोपा डेल रे अन्तर्गतको सेमिफाइनलको पहिलो लिगको एल क्लासिको बराबरी भएको छ ।
गएराती भएको रियल म्याड्रिड र बार्सिलोनाबीचको खेल १-१ गोलको बराबरीमा सकिएको हो ।
बार्सिलोनाको घरेलु मैदानमा भएको खेलमा रियल म्याड्रिडले खेलको छैठौ मिनेटमा नै गोल गर्दै सुरुवाती अग्रता लिएको थियो । रियलका लागि लुकास भाजक्वेजले गोल गरेका थिए ।
पहिलो हाफमा १-० को अग्रता लिएको रियलले खेलको ५७औ मिनेटमा गोल खाएको थियो । बार्सिलोना खेलमा फर्किदै खेलको ५७औ मिनेटमा माल्कमको गोलमा खेलमा फर्किएको थियो । त्यसपछि खेलमा कुनै गोल भएन र खेल १-१ को बराबरीमा सकियो ।
खेलको दोस्रो हाफमा बार्सिलोनाका लियोनेल मेसी मैदानमा कोटिन्होको ठाउमा प्रवेश गरेका थिए भने रियलले पनि ग्यारेथ बेललाई दोस्रो हाफमा भिनिसियसको ठाउमा प्रवेश गराएको थियो ।
अब सेमिफाइनलको दोस्रो लिग फेब्रुअरी २७ मा रियल म्याड्रिडको घरेलु मैदानमा हुने छ ।
