भारतको काश्मिरमा विष्फोटमा ३० सैनिकको मृत्यु

खरीबोट

नयाँ दिल्ली । भारत प्रशासित काश्मिरमा सरकारी सुरक्षा फौजलाई लक्षित गरी बिहीबार गरिएको आक्रमणमा परी कम्तिमा ३० जना भारतीय सुरक्षाकर्मीको मृत्यु भएको छ । 

काश्मिरको प्रमुख शहरबाट करिब २० किलोमिटर टाढा राजमार्गमा गुडिरहेको सैनिक गाडीहरूको समूहलाई लक्षित गरी थापिएको विद्युतीय धरापमा परी ३० सुरक्षाकर्मीको मृत्यु भएको विशेष प्रहरी अधिकारीलाई उदृत गर्दै भारतीय मिडियाहरुले उल्लेख गरेका छन् । घटनामा अन्य २० जना सुरक्षाकर्मि घाइते भएका छन् । 

आक्रमणमा परी केही सुरक्षाकर्मी घाइते भएका भएपनि उनीहरूलाई घटनास्थलबाट तत्काल उपचारका लागि अस्पताल पठाइएको छ । 

स्थानीय सञ्चारमाध्यमहरूले जनाएअनुसार घटनाको पाकिस्तानमा सक्रिय जैस–ए– मोहम्मद इस्लामिक समूहले जिम्मेवारी लिएको छ । 

समूहका प्रवक्ताले घटनाको पुष्टि गर्दै “भारतीय सैनिकलाई लक्षित गरी भएको आत्मघाती आक्रमणमा आफ्नो वाकास कमाण्डो भनिने आदिल अहमदले गराएको उनी जैस–ए– मोहम्मद इस्लामिक समूहका लडाकू रहेको” स्थानीय सञ्चारमाध्यमलाई पठाइएको प्रेस विज्ञप्तिमा उल्लेख छ । 

घटना विष्फोटक पदार्थ भरिएको कारलाई सुरक्षकर्मी आइरहेको बससँग ठोकाएर गराइएको भारतीय मिडियाहरुले बताएका छन् । भारतीय केन्द्रीय रिजर्भ पुलिस फोर्सका २५ सय जवानलाई लिएर गएका ७८ गाडीहरुको लस्करमा सो विस्फोटक पदार्थसहितको कार ठोक्काइएको मिडिया रिपोर्टमा उल्लेख गरिएको छ ।

यो भारतीय सुरक्षाकर्मीमाथि विगत दुई बर्षमा भएको सबैभन्दा ठुलो आक्रमण हो । भारतको काश्मिरमा करिब पाँच लाख सैनिक कार्यरत छन् भने उक्त स्थानमा सन् १९४७ मा बेलायत भारतबाट फर्केपछि पाकिस्तान र भारतबीच सीमा विवादका कारण भएको विवादका कारण प्राय अशान्त रहँदै आएको छ ।
 

सम्बन्धित समाचार

भारतको विहारमा इन्सेफ्लाईटिसबाट मृत्यु हुनेको संख्या १०३ पुग्यो

विहार । भारतको विहार प्रदेशअन्तर्गत पर्ने मुजफ्फरपुरमा इन्सेफ्लाईटिसका कारण मृत्यु हुनेको सङ्ख्या सोमबारसम्म १०३ पुगेको छ । “श्रीकृष्ण मेडिकल कलेज (अस्पताल) मा मात्रै मृत्यु हुनेको संख्या ८५ पुगेको छ,” अस्पतालका प्रमुख

भारतीय मालवाहक ट्रकमा चेकजाँच नगर्ने आदेश बारे गृहको स्पष्टिकरण 

काठमाडौं । गृह मन्त्रालयले उद्योगमैत्री वातावरण सिर्जना गर्नका लागि मालवाहक भारतीय गाडीलाई निर्वाध आवागमन गर्न दिन पत्राचार गरिएको गृह मन्त्रालयको दाबी गरेको छ ।  भारतबाट आयात गरी नेपाली उत्पादनमूलक उधोगहरुमा प्रयोग

भारतीय गाडीको प्रयोग बढ्दो, ट्राफिक प्रहरीद्वारा जाँचमा कडाइ

सिरहा । सिरहा आसपासका क्षेत्रमा भारतीय नम्बर पलेटको गाडीको प्रयोग बढेको पाइएको छ । भारतीय नम्बरका गाडीको प्रयोगले राजश्व चुहावट भइरहेको छ । राजश्व नतिरी भारतीय गाडी प्रयोग गर्ने चलन बढ्दै

२०० मेगावाट क्षमताको सौर्य ऊर्जा प्लान्ट स्थापना गर्दै भारत

नयाँदिल्ली (भारत) । भारत हेभी इलेक्ट्रिकल्स लिमिटेड (भेल) को अगुवाईमा दुई वटा नयाँ सौर्य ऊर्जा प्लान्ट स्थापना गरिने भएको छ । योसँगै भारतमा २०० मेगावाट विद्युत उत्पादन गर्न भेल सक्षम


z