ग्यारेथ बेललाई ला लिगामा १२ खेलसम्मको प्रतिबन्ध लाग्न सक्ने !

खरीबोट

काठमाडौँ । रियल म्याड्रिडबाट खेल्ने वेल्स स्ट्राइकर ग्यारेथ बेलमाथि ला लिगाका १२ खेलसम्म प्रतिबन्ध लाग्न सक्ने भएको छ ।

बेलले गत फेब्रुअरी ९ मा ला लिगा अन्तर्गत भएको एथलेटिको म्याड्रिडविरुद्धको म्याड्रिड डर्बीमा गोल गरेपछि गरेको सेलेबेरेसनमा स्थानीय फ्यानलाई उक्साएको आरोप लागेको छ ।
बेल खेलको ५७औ मिनेटमा भिनिसियास जुनियरको ठाउमा सबस्टिच्युटको रुपमा मैदान छिर्दै खेलको ७४औ मिनेटमा गोल गरेका थिए ।

गोल गरेपछि प्यारापिटमा रहेका फ्यानहरुतर्फ इंगित गर्दै बेलले गोलको खुशियाली मनाएका थिए । खेलपछि म्याच रेफ्रीको रिपोर्टमा बेलको सो प्रकरण उल्लेख नगरिएको भएपनि ला लिगाले एक व्यक्तव्य जारी गर्दै यसमा थप अनुसन्धान भइरहेको जानकारी दिएको छ ।

ला लिगाको वक्तव्यमा बेललाई हुटिंग गरिरहेका एथलेटिकोका फ्यानहरु तर्फ इशारा गर्दै बेलले दाहिने हात उठाएर उनीहरुलाई झन् उक्साउने र डबल अर्थ लाग्ने व्यवहार गरेको उल्लेख गरेको छ । बेलले गरेको व्यवहारका बारेमा ला लिगाका अधिकारीहरुले अध्ययन गरिरहेको बताइएको छ ।

ला लिगाले यो आरोप साबित भएमा बेललाई कम्तिमा ४ देखि १२ खेलसम्म प्रतिबन्ध लाग्नसक्ने उल्लेख गरेको छ । बेललाई १२ खेलको प्रतिबन्ध लागेमा उनी यस सिजनभरका रियलका खेल गुमाउनसक्ने बताइएको छ । ला लिगामा रियलले अब १५ खेल खेल्न बाँकी रहेको छ । रियल बार्सिलोनाभन्दा ६ अंकले पछाडी रहेको छ ।

यस सिजनमा १२ गोल गरेका बेलले रियलका लागि अहिलेसम्म कुल सय गोल समेत गरेका छन् । रियलमा धेरै जसो समय इन्जुरीका कारण मैदान बाहिर रहने बेल अहिले नयाँ म्यानेजर सान्टियागो सोलारी आएपछि प्राय: खेलमा सबस्टिच्युटको रुपमा मैदानमा आउने गरेका छन् ।
 
 

सम्बन्धित समाचार

मेसीको नयाँ रेकर्ड, छैठौ पटक जिते पिचीची ट्रफी

काठमाडौँ । लियोनेल मेसीले ला लिगामा यस सिजनमा ३६ गोल गर्दै छैठौ पटक पिचीची ट्रफी जितेका छन् । मेसीले ला लिगामा छैठौ पटक उच्च गोल गर्दै एथलेटिक क्लबका टेल्मो जाराको छैठौ

बार्सिलोना बराबरीमा रोकियो, मेसीले एक मिनेटमा गरे दुई गोल   

काठमाडौं । बार्सिलोना ला लिगाको अन्तिम खेल बराबरीमा रोकिएको छ । गएराती सम्पन्न खेलमा इबरसँग २-२ गोलको बराबरीमा रोकिएसँगै बार्सिलोनाको यस सिजनको अन्तिम खेल बराबरीमा सकिएको हो । यस सिजनको लिग

सिजनको अन्तिम खेलमा रियल म्याड्रिड पराजित

काठमाडौँ । स्पेनिस फुटबलको महारथी रियल म्याड्रिडले यस सिजनको ला लिगाको अन्तिम खेलमा हार बेहोर्दै सिजनको अन्त्य गरेको छ । आइतबार भएको रियल बेटिसविरुद्धको खेलमा रियल म्याड्रिड २-० गोल अन्तरले पराजित

मैले भने जस्तो भएन भने छोडीदिन्छु – जिनेदिन जिदान 

काठमाडौँ । रियल म्याड्रिडका प्रमुख प्रशिक्षक जिनेदिन जिदानले क्लबमा आफुले भनेको नभए आफुले क्लब छोड्ने स्पष्ट गरेका छन् । ला लिगाको अन्तिम खेल खेल्नु अघि गरिएको पत्रकार सम्मेलनमा जिदानले क्लबमा कुन


z