अकेली बनहरुमा
मृगतृस्णाका शिशु हुर्किरहेका छन ।
तिमी स्कुलबाट घर आउँदा
म स्कुल बाट घर नआउदा
फरक -फरक चेहेरामा किन रुन्छ
यति विघ्न मेरो देश?
मलाइ थाहा छ
तिम्रो आगमनमा पलासका फुलहरु
तिमिलाइ पर्खिरहेका हुनेछ्न
मेरो बहिर्गमनमा गुराँसका फुलहरु
मेरो बिदाइमा हात हल्लाइरहेका हुनेछ्न
दिन पछि रात
रात पछि दिन
हिजो ,आज र भोलि क्रमशः मेटिदै जानेछन
विरताका गाथाहरु
ठिक त्यहिदिनबाट तिमी र म कुन देशको मानचित्रमा
कस्को हस्ताक्षर बोकेर उभिनेछौ ?
र कसरी भन्नेछौ कि यो देश मेरो हो भनेर ?
तिमी पर छौ ........!
म झन पर छु .........!
हातहरुले कलम समाउन बिर्सिएका छन
उन्मुक्त हुने बहानामा
आफ्नै अनुहारमा सबैले खोजिरहेछौ
फरक -फरक चेहेरा
हुन सक्छ यो समय अलि पृथक छ
त्यसैले त आज तिम्रो र मेरो जन्मउत्सब
फरक -फरक ठाउँमा मनाइ रहेका छौ ....!
यो बर्तमान
आफु बाचेको समयसङ्ग
आफैले संवाद गर्न छाडेको समय हो
हार र जीतको उपहास भन्दा अरु फरक केही छैन
मनवीय संवेदना हामी भन्दा विल्कुलै फरक भएको छ
तिमिले मलाई खाली कागजका टुक्राहरु उपहार दिदा
मैले त तिमिलाइ सुन्दर फूलहरु उपहार दिएकै हु ....!
हुन सक्छ इतिहासकै परिमितिमा आफू बाचेको ज्यामिती बिर्सिएर तिम्रा ती कलेटी परेका ओठहरुले
यतिखेर मेरो नाम जपिरहेका छ्न ..........!!!