महिनावारी हुँदा यौन सम्पर्क राख्नु कति उचित ? 

खरीबोट

काठमाडौँ । के तपाईं महिनावारी हुँदा यौन सम्पर्क राख्नुहुँदैन भन्ने सोच्नुहुन्छ ? त्यस समय योनिको वरिपरि धेरै फोहोर हुने भएकाले यौन आनन्द लिन सकिँदैन भन्ने धारणा छ भने यो गलत हो ।

महिनावारी हुँदा यौन सम्पर्क राख्नु साधारण कुरा हो । यदि तपाईंले हालसम्म यसको अनुभव बटुल्नुभएको छैन भने एकपटक यसको अनुभव लिनु आवश्यक छ । किनकि महिनावारी हुँदा महिलाको शरीरमा केही अनौठा परिवर्तनहरु हुन्छन् । 

लुब्रिकेशनको आवश्यकता हुँदैन 

यदि तपाईंलाई अन्य बेलामा लुब्रिकेशनको आवश्यकता हुन्छ भने महिनावारी हुँदा त्यसको आवश्यकता पर्दैन । त्यस बेला योनिमा यतिधेरै रगत जम्मा भएको हुन्छ, जसले योनिलाई नरम बनाइरहेको हुन्छ । महिनावारी हुँदाको समयमा योनि लुब्रिकेशन प्रयोग गर्दा भन्दा पनि नरम हुन्छ र यौन सम्पर्कको लागि सहज हुन्छ । 

महिनावारीका लागि फाइदा 

यदि महिनावारी हुँदा यौन सम्पर्क राख्नुहुन्छ भने यसले महिनावारीलाई पनि फाइदा पुग्छ । यसले योनिदेखि पाठेघरसम्मको कसरत हुने भएकाले महिनावारी समयमै र सजिलै हुन थाल्छ । यस समय यौन सम्पर्क राख्दा इन्डार्फिन र प्रोस्टाग्लाइडिन जस्ता हार्मोन निष्कासन हुने भएकाले यो महिनावारीका लागि अझ फाइदाकारी हुन्छ । 

पीडा हुन्छ कम 

महिनावारी हुँदा जोकोहीलाई पनि धेरै पीडा हुन्छ । यदि महिनावारी हुँदा यौन सम्पर्क राख्नुहुन्छ भने पीडामा पनि राहत मिल्छ । अर्गाजममा पुग्दा मस्तिष्कबाट इन्डोर्फिन नामक हार्मोन निष्कासन हुन्छ जसका कारण पीडाको महसूस कम हुन्छ । यो हार्मोनलाई फिल गुड हार्मोन पनि भनिन्छ । 

गर्भधारणको सम्भावना नष्ट हुँदैन 

यदि महिनावारी हुँदा यौन सम्पर्क गरेमा गर्भ रहँदैन कि भन्ने डर छ भने त्यो गलत हो । यद्यपि, महिनावारी हुँदा यौन सम्पर्क राख्नाले गर्भधारणको सम्भावना कम हुन सक्छ, तर गर्भै नरहने भन्ने चाहिँ हुँदैन ।

सम्बन्धित समाचार

आजदेखि सोह्र श्राद्ध प्रारम्भ, यस्तो छ पौराणिक मान्यता

काठमाडौँ । प्रत्येक वर्ष आश्विन कृष्ण प्रतिपदादेखि आश्विन शुक्ल प्रतिपदासम्म गरिने सोह्र श्राद्ध अर्थात् पितृ पक्ष आजदेखि शुरु हुँदै छ । पितृ पक्षको पहिलो दिन आज प्रतिपदा तिथि श्राद्ध गरिन्छ

उमेर नपुग्दै विवाह : परिपक्वतासँगै सम्बन्धविच्छेद

रोल्पा । गाउँकै राजबहादुर थापासँग १३ वर्षको उमेरमा विवाह बन्धनमा बाँधिनुभयो रोल्पा सुनिल स्मृति गाउँपालिका–६ गजुलकी निर्मला थापा । अहिले उहाँको उमेर २० वर्ष पुग्यो । चार वर्षीया एक छोरीसहितको

बालबालिकालाई प्रेम किन सिकाउने ?

मलाई थाहा छ तपाइँले प्रेमलाई साँघुरो घेरामा बुझ्नु हुने छैन् । शारीरिक आशक्तिको रुपमा हेर्नु हुने छैन् । प्रेमको यति साघुरो घेरा पनि हुदैन् । प्रेमको संकुचित र आशक्तिबाट तपाईं

आज श्रीकृष्ण जन्माष्टमी : यस्तो छ पौराणिक मान्यता र कृष्ण-लीला प्रसंग

काठमाडौँ । वैदिक सनातन धर्मावलम्बीले ‘श्रीकृष्णजन्माष्टमी’ पर्व आज देशभर भगवान् श्रीकृष्णको पूजा–आराधना गरी श्रद्धा–भक्तिपूर्वक मनाउँदैछन् । ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई


z