- २०८१ बैशाख ७ शुक्रबार
भियतनाम । भियतनामका क्रान्तिकारी नेता हो चि मिन्हाप्रति उत्तर कोरियाली नेता किम जोङ उनले सम्मान व्यक्त गरेका छन् ।
हाल भियतनाममा रहेका उनले भियतनामका स्वतन्त्रतावादी तथा क्रान्तिकारी नेता मिन्हाप्रति शनिबार श्रद्धाञ्जलि व्यक्त गरेको समाचारमा जनाइएको छ ।
भियतनामको दोङदाङ सीमा क्षेत्रमा रहेको मिन्हाको समाधिस्थलमा पुगी उहाँले शनिबार हार्दिक श्रद्धा व्यक्त गरेको जनाइएको छ ।
नेता किम अमेरिकी राष्ट्रपति डोनाल्ड ट्रम्पसँगको दोस्रो चरणको वार्ताका लागि भियतनाम पुगेका थिए । उनीहरुबीच यसै हप्ता द्धिपक्षीय वार्ता भएको थियो ।
वार्ता सकिएर शनिबार स्वदेश फर्किन लागेका नेता किमले शनिबार बिहान उक्त सीमा क्षेत्रीय गाउँमा पुगी मिन्हाप्रति श्रद्धाञ्जलि व्यक्त गरेको समाचारमा जनाइएको छ ।
मिन्हालाई भियतनाममा स्वतन्त्रता सेनानीका रुपमा सम्मान गरिन्छ । उहाँको सालिका राखिएको स्थानमा सम्मान व्यक्त गर्न उत्तर कोरियाली नेता किम पुग्दा विशेष सुरक्षा व्यवस्था अपनाइएको बताइएको छ ।
उत्तर कोरियाली नेता किम आज शनिबारै उत्तर कोरिया प्रस्थान गर्दै छन् । उनी रेल चढेरै स्वदेश फर्किने तयारीमा रहेको बताइएको छ ।
भियतनामबाटै चीनको राजधानी बेइजिङ हुँदै स्वदेश फर्किन लागेका नेता किमले रेलमार्गबाटै करिब चार हजार किलोमीटर वार्ता गर्दै छन् । उनलाई उत्तर कोरिया पुग्न साढे दुई दिन लाग्ने अनुमान गरिएको छ ।
सम्मानस्वरुप रातो रिबनबाट बनाइएको विशेष प्रकारको बुट्टा भरिएको वस्तु र विभिन्न रंगका फूलहरु चढाएर उनले श्रद्धाञ्जलि अर्पण गरेका थिए ।
उनले करिब ४८ मिनेटजति शिर निहुराएर मिन्हाप्रति सम्मान प्रकट गरेका थिए । त्यस अवसरमा भियतनामको सेनाले विशेष सम्मान पनि अर्पण गरेको थियो ।
मिन्हा उत्तर कोरियाली नेता किमका हजुर बुबा किम इल सुङका नजिकको साथी मानिन्छन् । युद्धको समयमा उत्तर कोरियाली नेता किम इल सुङले भियतनामलाई हतियार लगायतको सहयोग गरेको पनि इतिहास छ ।
उनका बुबा किम जोङ इलले पनि भियतनामका नेता मिन्हालाई सम्मान गर्ने गर्थे । सोही कारण पनि नेता किमले आज उनीप्रति विशेष सम्मान अर्पण गर्नुभएको उत्तर कोरियाली समाचार समिति के सि एन एले जानकारी दिएको छ ।
उत्तर कोरियाली नेताका रुपमा किमको भियतनाम भ्रमण सन् १९६४ पछि यो पहिलो हो । सन् १९६४ मा नेता किमका हजुरबुबा किम इल सुङले भियतनामको भ्रमण गरेका थिए ।
त्यस समयमा उत्तर कोरियाका नेताका रुपमा रहेका किम इल सुङले भियतनामको भ्रमण गर्दा उनी पनि रेलबाट नै यात्रा गरेका थिए । उनी पनि त्यतिबेला उत्तर कोरियाबाट नै रेलमा गएका थिए ।
